Bulkan Smith
| Bulkan Smith | |
|---|---|
| Bantay Babuyan | |
 Ngato a pannakkita ti Bulkan Smith idiay lumaud a paset ti Isla ti Babuyan | |
| Kangatuan a punto | |
| Kangato | 688 m (2,257 ft) |
| Kalatak | 688 m (2,257 ft) [1] |
| Nagsasabtan | 19°32′11.84″N 121°54′46.24″E / 19.5366222°N 121.9128444°ENagsasabtan: 19°32′11.84″N 121°54′46.24″E / 19.5366222°N 121.9128444°E |
| Heograpia | |
.svg)  Bulkan Smith Lokasion idiay Filipinas | |
| Lokasion | Is-isla ti Babuyan, Cagayan, Filipinas |
| Heolohia | |
| Kita ti bantay | Estratobulkan |
| Bulkaniko nga arko | Paset ti Babuyan (Bashi) ti Arko ti Luzon-Taiwan |
| Naudi a bimtak | 1924 |
Ti Bulkan Smith , ammo pay iti Bantay Babuyan, ket eskoria a kono idiay Is-isla ti Babuyan, ti akin-amianan unay a paset ti grupo ti is-isla ti Babuyan idiay Lingsat Luzon, amianan ti nangruna nga isla ti Luzon, Filipinas. Ti bantay ket maysa kadagiti aktibo a bulkan ti Filipinas, a naudi a nagbettak idi 1924.
Ti bulkan ket mabirukan idiay Ili ti Calayan, probinsia ti Cagayan, ti ili nga agturay iti Is-isla ti Babuyan malaksid ti Isla ti Fuga.
Dagiti pisikal a langa
Ti narapis ti mulmula nga eskoria a kono ket agtayag ti 688 metro (2,257 ft) nga addaan iti diametro ti baba iti 4.5 kilometro (2.8 mi).[1] Dagiti tuon ti basaltiko nga ayus ti lava ket makitkita iti abagatan ti bulkan.[1][2]
Ti Bulkan Smith ket maysa kadagiti mabalin a lima a Pleistoseno aginggana ti Holoseno a bulkaniko a sentro iti Isla ti Babuyan (a naamammuan pay ti Isla ti Babuyan de Claro) a ti Smith, ti kaubingan a bulkan iti isla . Ti kadakkelan nga isla ket ti Babuyan Claro (ammo pay ti Bantay Pangasun), ti maysa nga aktibo nga estratobulkan nga addaan iti dua a nasayaat a napreserba nga abut ti bulkan a pantok nga aglawa ti 300 ken 400 m (980 ken 1,310 ft) diametro, a mabirukan iti tengnga ti isla.[2] Ti Babuyan Claro ket agarup a 4.3 kilometro (2.7 mi) pantok aginggana ti pantok ti Bulkan Smith, daytoy ket amianan ken akin-laud unay a pantok iti nagsukog ti trianggulo nga isla.[3]
Dagiti panagbettak
Ti Bulkan Smith ket nagbettaken iti namin innem a beses, ti naudi ket idi 1924.[3]
Emerhensia nga inbestigasion idi 1993
Ti timpuyog dagiti bulkanologo manipud iti Instituto ti Filipinas iti Bulkanolohia ken Sismolohia (PHIVOLCS) Timpuyog ti Napardas a Sungbat ket nagaramid ti maysa nga inbestigasion idi Huliuo 8, 1993 kalpasan kadagiti reporta ti bulkaniko nga aktibidad idiay Isla ti Babuyan. Ti resulta ti panagsukisok ket nangipakpakita a ti Bulkan Smith ket natalna ken awan ti bulkaniko a gingined a nairehistro iti las-ud ti dayta a panagsukisok.
Kitaen pay
- Listaan dagiti mabalin nga aktibo a bulkan ti Filipinas
- Listaan dagiti di aktibo a bulkan ti Filipinas
Dagiti nagibasaran
- ^ a b c "Bulkan Smith". Instituto ti Filipinas iti Bulkanolohia ken Sismolohia (PHIVOLCS). Naala idi 2013-12-26.
- ^ a b "Bulkan Smith, Cagayan, Tanap ti Cagayan, Filipinas". Mapa ti Google. Naala idi 2013-12-26.
- ^ a b "Babuyan Claro – Background". Programa ti Global a Bulkanismo (iti Ingles). Instituto ti Smithsoniano. Naala idi 2013-12-26.
Dagiti akinruar a silpo
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
