Serissa
| Serissa | |
|---|---|
| |
| Ti bonsai a bersion ti Serissa | |
| Taksonomia | |
| Pagarian: | |
| (di nairanggo): | |
| (di nairanggo): | |
| (di nairanggo): | |
| Urnos: | |
| Pamilia: | |
| Henero: | Serissa |
| Sebbangan: | S. japonica
|
| Dua a nagan | |
| Serissa japonica (Thunb.) Thunb.
| |
| Kapada a nagan | |
Ti Serissa ket henero dagiti agsabsabong a mula iti pamilia ti Rubiaceae, nga aglaon laeng iti maysa a sebbangan, ti Serissa japonica. Daytoy ket patneng iti wayang a subtropikal a kakaykayuan ken dagiti nabasa a karuotan iti abagatan data nga Asia, manipud iti India, ken Tsina aginggana iti Hapon. Daytoy ket kadawyan a tinawtawagan iti Ingles iti snowrose, tree of a thousand stars, wenno Japanese boxthorn; ken dati a tinawtawagan iti Serissa foetida. Ti 'Foetida' ket mangibagbaga iti naangot nga ayamuom no maarbasan wenno masugatan dagiti bulong. Ti snowrose ken ti tree of a thousand star ket sabali dagitoy a kultibar.
Deskripsion
Daytoy ket maysa a kankanayon a berde wenno semi a kankanayon a berde a bassit a kayo, 45–60 cm iti katayag, nga agraman iti immitlog, nauneg a berde, a napuskol a bulbulong a naangot no masugatan (nakaalaan ti naganna iti foetida). Dagiti nalinteg nga ungkay ket agsangada kadagiti amin a turong ken mangbukel iti nalawa a nasamek a simborio. Naimulmula daytoy gapu iti nadalus a panagkukua, nasayaat a panagabbong dagiti sanga ken napaut a panagsabong. Daytoy ket napateg pay para iti nakersang, maris-dapo a puon a pumusasaw iti maris no lumakay.
Ti Serissa ket agsabong iti amin apaset ti tawen, ngem nangruna manipud iti nasapa a panagsusulbod aginggana iti asideg nga otonio. Dagiti 4- aginggana iti 6 a pingir a sabong ket sukog imbudo ken 1 cm iti kaakaba. Umunada nga agparang a kas dagiti derosas a busel ngem agbaliw a puraw a sabsabong. Nangruna ti panagabuno iti las-ud ti napaut a paset ti panawen a panagsabong.
Dagiti kultibar
Adu kadagiti magun-od a kultibar nga agraman kadagiti doble a sabong wenno nauratan a bulbulong. Ti 'pink Snow Rose' ket addaan kadagiti napusasaw a derosas a sabong ken bulbulong a naparaigidan iti puraw. Dagiti sabali a kultibar ket mairaman ti 'Variegata', 'Variegated Pink', 'Pink Mystic', 'Snowflake', 'Snowleaves', 'Mt. Fuji', 'Kyoto' ken 'Sapporo'.
Bonsai
Ti Serissa ket maysa kadagiti kaaduan a nailaklako a bonsai iti Amerika ken Europa. Nalaka a mataripato daytoy a kas bonsai. Adu kadagtii agdadamo nga agay-ayat iti bonsai a mangdadael iti Serissa iti saan a nasayaat a pakaammo a panagaywan daytoy. Nakaro a sumungbat ti kayo babaen ti panagtinnag dagiti bulongna no nakaro a masibogan, di masibogan, no nalamiis unay, napudot unay, wenno man laeng iyalis iti baro a lokasion. Ti mula ket kadawyan a lumangto met laeng no maipasubli iti nasaysayaat a kondision.[1][2]
Dagiti sinonimo
Dagiti sinonimo ket mairaman ti Leptodermis nervosa, Leptodermis venosa, Buchozia coprosmoides, Serissa kawakamii, Serissa serissoides, Serissa democritea, Serissa foetida, Dysoda foetida, Dysoda fasciculata, Democritea serissoides, Serissa crassiramea, Serissa foetida forma plena, Serissa foetida forma pleniflora, Serissa foetida var. crassiramea
Dagiti nagibasaran
- ^ D'Cruz, Mark. "Ma-Ke Bonsai Care Guide for Serissa foetida". Ma-Ke Bonsai. Naiyarkibo manipud iti kasisigud idi 2012-12-14. Naala idi 2011-05-09.
- ^ D'Cruz, Mark. "Ma-Ke Bonsai Care Guide for Serissa foetida Var. Mount Fuji". Ma-Ke Bonsai. Naiyarkibo manipud iti kasisigud idi 2014-10-12. Naala idi 2011-05-09.
Dagiti akinruar a silpo
Dagiti midia a mainaig iti Serissa iti Wikimedia Commons
- https://web.archive.org/web/20030628040930/http://www.bonsai-bci.com/species/serissa.html
- http://www.bonsai4me.com/SpeciesGuide/Serissa.html Naiyarkibo 2020-06-05 iti Wayback Machine (naala idi 15 Septiembre 2006)
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
