|
A-mei A-mei (Tionghoa 阿妹; pinyin ā mèi; lair ing 9 Agustus 1972[1][2]), uga ditepungi mawa jeneng Zhang Huimei utawa Chang Hui-mei, iku sawijining penyanyi Taiwan sing sangkané saka suku pribumi Taiwan Wong Puyuma. Dhèwèké uga ditepungi mawa jeneng asliné 古歷來•阿密特 (Kulilay Amit). Dhèwèké lair ing tlatah pagunungan ing sisih wétan Taiwan lan nomer pitu saka anak sanga. A-mei olèhé début ing taun 1996 lan bisa olèh suksès gedhé. Dhèwèké bisa ngadol 55 yuta rekaman musik. Urip lan karir1972–1996: Taun-taun awal lan awal karirA-mei lair ing sajroning kulawarga Puyuma ing Beinan, Taitung, Taiwan.[3][4] Ing taun 1992, A-mei pindhah menyang Taipei, lan mèlu sayembara Five Lights Star Singing Contest sing dianakaké déning acara tv Taiwan Five Lights Awards; Dhèwèké bisa nganti tekan final, nanging kalah.[5] Ing taun 1993, dhèwèké mèlu sayembara nyanyi iki manèh lan bisa menang. Sawisé menang, banjur dhèwèké nggabung karo grup musik nakduluré ing taun 1995, lan miwiti nyanyi ing kafé-kafé ing Taipei.[5] Pagelarané ing kafé-kafé nyengsemi para produser musik Taiwan Chang Yu-sheng lan Chang Hsiao-yen, pasirahé firma rekaman musik Taiwan Forward Music nalika iku. Ing sasi Maret 1996, dhèwèké nèken kontrak rekaman karo Forward Music. Diskografi
Réferènsi
Pranala njaba
|
