|
Andung A. Nitimiharja
Dr. Ir. Andung A. Nitimiharja (miyos ing Bandung, 4 Maret 1950-tilar donya ing Meksiko, 21 Oktober 2009 ing yuswa 59 taun) inggih punika Mantri Perindhustrian[1] ing Kabinet Indonésia Bersatu sadèrèngipun dipun-gantos déning Fahmi Idris ing éwah-éwahan (reshuffle) Kabinét I nalika tanggal 5 Dhésèmber 2005.[2] Sadèrèngipun dados mantri, panjenenganipun naté njabat minangka komisaris ing Perusahaan Listrik Nagara (PLN).[2] Andung kalebet lulusan Institut Pertanian Bogor (IPB).[2] Panjenenganipun lajeng pikantuk gelar dhoktor ing babagan studi pembangunan saking Universitas Negeri Pittsburg, Amérika Sarékat.[2] Namanipun Andung Nitimihardja wonten ing jagad perékonomian nasional sajatosipun sampun boten asing malih.[2] Panjenenganipun punika komisaris utami ing tigang perusahaan BUMN, ing antawisipun inggih punika PLN, sadèrèngipun pinitados dados mantri perindhustrian, amargi nalika ing BKPM (Badan Koordinasi Penanaman Modal), panjenenganipun raket kaliyan invèstor, pengusaha, lan départemèn perindhustrian Babagan Pengembangan Usaha Nasional wau.[2] Dhoktor ing babagan Studi Pembangunan Universitas Negeri Pittsburg, Amérika Sarékat kasebat gadhah pikajengan ndadosaken Indonésia minangka swarga dhumateng invèstasi manca nagari.[2] Caranipun inggih punika kanthi ngawontenaken révisi ing sawatawis paugeran ingkang sampun ngandhegaken invèstasi lan indhustri.[2] Kawontenan ékonomi mikro ingkang dados saé lan kaamanan sarta kapastèn ukum ingkang langkung saé badhé dados tetimbangan dhumateng invèstor kanggé mlebet dhumateng Indonésia.[2] Cathetan suku
Pranala njawiAndung A. Nitimiharja Archived 2016-03-04 at the Wayback Machine.
|
||||||||||||||||||||||||||||||||||||||
