Barbara A. Babcock

Barbara A. Babcock ya iku ahli Antropologi wanita saka Pennsylvania, Amérikah Sarékat kalairan taun 1943^[1]. Babcock naté kuliah sarjana ing Nothwestern University lan nerusaké pandhidhikan magister lan dhoktor ing Universitas Chicago taun 1967 lan 1975^[2]. Babcock olèh gelar Ph.D. saka universitas mau ing taun 1975. Panalitèn lapangané (field work) naté diayahi ing bebrayan Pueblo bagéyan kulon daya. Ing saambané Amérikah Sarékat, dhèwèké nglakoni panalitèn ing seni wong Amérika asli, toko wisatawan, pasar, lan museum awit 1977 nganti saiki. Karya èlmiah kang wis diterbitaké antarané ya iku The Reversible World: Symbolic Inversion in Art and Society (ed) taun 1978, The Pueblo Storyteller: Development of a Figurative Ceramic Tradition  taun 1986, Women Anthropologists and the Native American Southwest taun 1988, lan Journal of American Folklore  taun 1994^[1][2][3]. Babcock miwiti panalitèn ing bab sèmiotik rèflèksif saka tèks lan budaya. Sabanjure, dhèwèké nliti bab Amérika Pueblo. Panemuné Babcock uga ngrembaka lan njalar ing téori féminis kang dhedhasar saka panalitèn ing wong wadon Pueblo iku. Nganti pungkasané Babcock luwih aktif ing bab jènder lan fèminis antropolog^[1].

1. ↑ ^{a b c} Amit, Vered (2004). Biographical dictionary of social and cultural anthropology. London: Routledge. kc. 31. ISBN 020364459X. OCLC 436848672.
2. ↑ ^{a b} "Barbara A. Babcock". IAS. Dibukak ing 2017-11-10.
3. ↑ "In Memoriam: Barbara Babcock". The University of Arizona at Work. Diarsip saka sing asli ing 2017-11-10. Dibukak ing 2017-11-10.