Lloyd A. Fallers

Lloyd A. Fallers ya iku ahli antropologi lan sosiologi saka Nebraska, Amérikah Sarékat, kalairan 29 Agustus 1925^[2][3]. Lloyd olèh pandhidhikan saka ing University of Chicago. Ing taun 1946, dhèwèké olèh gelar Ph.B., MA taun 1949, lan Ph.D. taun 1953^[3]. Minangka antropolog, dhèwèké nglakoni panlitian ana ing Uganda (taun 1950, 1954) lan Turki (1964, 1968)^[2][3]. Karya-karya akademis kang tinulis déning Lloyd ya iku antarané Bantu Bureaucracy: A Study of Integration and Conflict in the Political Institutions of an East African People (1956), The King’s Men: Leadership and Status in Buganda on the Eve of Independence (1964), Law without Precedent: Legal Ideas in Action in the Courts of Colonial Busoga (1969), lan The Social Anthropology of the Nation-state (1974)^[2]. Lloyd iki dadi salah siji kumpulan cilik antropolog enom Amérika kang sinau ing Inggris^[2]. Dhéwéké karenan ing bab pulitik, amarga iku akéh pakaryané kang ngandung bab kajian antropologi negara bangsa (nation-state). Lloyd séda ing Chicago, Illinois tanggal 04 Juli 1974^[3].

1. ↑ Megan, Graydon (March 12, 2015). "Margaret Fallers, anthropologist and U. of C. administrator, dies". Chicago Tribune. Dibukak ing 11 Juli 2015.
2. ↑ ^{a b c d} Amit, Vered (2004). Biographical dictionary of social and cultural anthropology. London: Routledge. kc. 208. ISBN 020364459X. OCLC 436848672.
3. ↑ ^{a b c d} "Guide to the Lloyd A. Fallers Papers 1937-1977". www.lib.uchicago.edu (ing basa Inggris). Dibukak ing 2018-01-06.