Harpastum

Harpastum est verbum quod plurimos ludos continet et hodiernos et antiquum. Hodierne latinum hoc nomen datum est praecipue Harpasto Britannico seu Rugbiensi (Anglice: rugby football, saepius rugby), quod folle ovato utitur. Ludi nominantur a numero lusorum vel a origine geographia. Praecipua harpasta haec:

• harpastum antiquum
• Harpastum Rugbiense^[1]
  • harpastum XV lusoribus (Anglice: rugby union)
  • harpastum XIII lusoribus (Anglice: rugby league)
  • harpastum VII lusoribus (Anglice: rugby sevens)
• harpastum Americanum^[2] (Anglice: American football, Americane: football)
• harpastum Australianum (Anglice: Australian rules football)^[3]

Vide paginam propriam "harpastum antiquum".

Harpastum hodiernum saeculo XIX° ab Anglis inventum est. Narrant id originem ducere a discipulo scholae Anglicae Rugbeiae sitae Guilhelmo Hellis qui, pediludio ludens anno 1823, follem manu capere coepit.

Propositum generale est follem pedibus iacere inter duos palos (quattuor apud harpastum Australiense) vel potius follem manibus afferre post lineam adversae turmae (praeter apud harpastum Australiense cui linea adversa deest).