Eritrea

ሃገረ ኤርትራ (Hagere Ertra)
دولة إرتريا (Dawlat Irītriyā)
Estado de Eritrea
איסתאדו דא איריתריאה


Bandyera	Eskudo

Kapitala:	Asmara
Mayor sivdad:	Asmara
Linguas ofisialas:	Tigrinya i Arabo
Forma de governo:	Repuvlika de un solo partito
Moneda:	nakfa
Shefe de estado:	Issaías Afewerki
Shefe de governo:	Issaías Afewerki
Ekstension:	117 600 km²
·Frontieras:	1.630 km
·Kostas:	2.234 km
Povlasion:	3 497 000
·Densidad:	29.7 ab/km²
PIB:
Kodigo ISO:	ER / ERI
Prefikso telefonika:	+291
Dominasion de internet:	`.er`

Eritrea es un payis de Afrika Oryentala. Tiene las sus frontieras al nord i al oeste kon Sudan; al sud con Etiopia i Djibuti; el este del payis esta konformado por la beira kon la Mar Kolorada. La etimolojiya del su nombre viene del biervo grégo eritros, ke sinyifika «kolorado». El payis resivió su independensia de Etiopia enel anyo 1993, lo kualo aze al payis uno de los mas djovenes del mundo.

Istorya

Asta el anyo 1890, kuando Italia la izo su kolonia, la rejiion yamada Eritrea Italiana konformó parte de varios reynos de la rejión. El Reino de Italia krió la kolonia de Eritrea en este anyo i konformó parte del imperio asta dempues de la sigunda gerra mondiala, kon las mismas frontieras ke tiene aktualmente el payis.

Los italianos trusheron un grande dezvelopamiento a la Eritrea Italiana, desde la agrikultura asta las industrias básikas i la infrastruktura. La kapitala, Asmara tuvió un dezvelopamiento arkitektoniko (espesialmente en Art Deco) ke ainda oy endiya es apresiado. En la anyada de 1940 la kolonia de Eritrea tinía unos 100.000 kolonos, i esto jeneró influensa en la arkitektura de alkunas de sus sivdades i en la relijión. Enel anyo 1941, Eritrea fue konkistada por los inglezes i fue echa parte del Imperio Britaniko. Enel anyo 1952 Eritrea izo parte de una federasiyon kon Etiopia asta el anyo 1962, kuando la federasiyon fue akavada i Eritrea fue echa una provinsia mas del payis. Antonses se krió un movimento de resistensia en kontro del imperio etiopiko ke kresió asta yegar a una gerra enel anyo 1983. Enel anyo 1987, ya basho kontrolo del "Frente Popular para la Libertad de Eritrea", es deklarada rejion otonoma ariéntro de Etiopia. Enel anyo [1993 se aze independiente i el payis es rekonosido, lo kualo no izo ke el payis no yegara a gerrerar kon teman en 1996 i kon Etiopia dos vezes en los anyos 1997 i 2000. La ultima gerra fue detenida shukur a los eshuérsos de las Nasiones Unitas, endemas ke enel anyo 2002, la Korte Internasionala de Djustisia establesio las frontieras entre los dos payises, anke Etiopia ainda no aksepta esta resolusiyon i ainda egziste el perikolo de una gerra.