Purim
La fyesta de Purim (en ivrit:פורים, Pûrîm, sortes) es un Yom Tov djudyo ke es selevrada anualmente enel 14 de Adar (o el 15 de Adar en las sivdades enmurayadas) en konmemorasyon del mirakolo relatado en el Livro de Ester en el ke los djudyos se salvaron de ser desparasiyedo basho el firman del rey persano Ahashverosh, identifikado por algunos istoriyadores komo Xerxes I, (serka 450 a.C.)
Anke Purim es uno de los diyas mas alegres del kalendario ebreo, kale azer taanit i meldar el diya anterior en rekódro de los djudios persanos, los kualos izieron taanit i arrogaron a El Dio ke los salvase de la gerra ke los yevaría a ser amortados por Amán i su armada. En Purim se melda la Megilá (en ivrit מְגִילַת אֶסְתֵּר, Megilat Ester, "Pergamino —Livro— de Ester"). La Megilá se melda pishín, i los ke estan eskuchando kale ke agan bruido con los pyés i objektos kuando el nombre de Hamán seya meldado, kon el buto de ke el su nombre seya efassado; esto aze muchiguar el entereso de los ninyos.
Dempués del taanit, en la noche de Purim, se aze una grande seudá en la kuala se beve vino i se kanta, entre eyas la tefilá yamada Shoshanat Ya'akov, la kuala munchos kantantes yisraelis i del Galut tienen gravada. Endemás, kale azer regalos a los amigos (en ivrit: מנות משלוח, Mishlóah Manot) i dar sedaká a los proves (en ivrit: לאביונים מתנות, Matanot La'evionîm) i disfrasar a los ninyos, anke munchos adultos tambien se visten kon disfrasos.
Para Purim se azen dulsurias espesialas, yamados "Orejas de Amán". Es kostumbre bever vino asta "konfondir los nombres de Amán i Mordehai".
Enlaces externos
- Gía de Purim (en kastilyano)
- Purim, por Moshé Korin (en kastilyano)
- Los alumnos hablan sobre la fiesta de Purim, emitido en Shalom el 8 de marzo de 2009 en TVE. (en kastilyano)
Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.
Fiestas i konmemorasiones djudias i de Medinat Yisrael
| ||||||||||||
|---|---|---|---|---|---|---|---|---|---|---|---|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
