Garer Quartier (Stad Lëtzebuerg)

Garer Quartier
Vue op de Garer Quartier (2019)
An anere Sproochen	fr: Quartier de la Gare de: Bahnhofsviertel
Land	Lëtzebuerg
Kanton	Lëtzebuerg
Gemeng	Lëtzebuerg
Buergermeeschter	Lydie Polfer (DP)
Awunner	11.895
	31. Dezember 2022
Fläch	105,25 ha
Koordinaten	49° 36’ 06’’ N       06° 07’ 54’’ O

De Garer Quartier, oder kuerz d'Gare, ass ee vun de 24 offizielle Quartiere vun der Stad Lëtzebuerg a läit am Zentrum vun der Haaptstad. Den Numm huet e vun der Stater Gare, déi do läit.

D'Al an d'Nei Avenue verbannen e mat der Uewerstad vun der Stad.

De Quartier ass 105,25 Hektar grouss a läit op enger Héicht tëscht 250,3 an 295,6 m. E grenzt am Norden un d'Uewerstad an dann, am Sënn vun der Auer, un d'Quartiere Gronn, Bouneweg-Nord/Verluerekascht, Bouneweg-Süd, Gaasperech an Hollerech.

Am Nordwesten an Norde mécht d'Péitruss d'Grenz mat den Nopeschquartieren.

Enn 2015 hunn am Garer Quartier 9.930 Leit gewunnt, dovu 15,78 % Lëtzebuerger a 84,22 % Auslänner. Op den 31. Dezember 2022 waren et 11.895 Leit. Den Undeel vun de Lëtzebuerger louch bei 16,44 % géintiwwer 83,56 % Auslänner. Déi am meescht representéiert Nationalitéit sinn d'Fransousen; d'Lëtzebuerger kommen eréischt op der zweeter Positioun. Et ass och den eenzege Stater Quartier wou d'Lëtzebuerger Bevëlkerung net op der éischter Plaz ass^[1].

Garer no Nationalitéit (31. Dezember 2022)

Rang	Nationalitéit	Awunner	Prozent
	TOTAL	11 895	100,00
1	Frankräich	2 437	20,49
2	Lëtzebuerg	1 956	16,44
3	Portugal	1 776	14,93
4	Italien	1 012	8,51
5	Spuenien	445	3,74
6	Belsch	398	3,35
7	Rumänien	354	2,98
8	Däitschland	297	2,50
9	Indien	251	2,11
10	Griicheland	212	1,78
	Top 10	9 138	76,82
	Aner Nationalitéiten	2 6757	23,18

• 
  De Garer Quartier ronderëm d'Nei Avenue (Av. de la liberté)
• 
  D'Gare Lëtzebuerg (2011)
• 
  D'Arbedsgebai
• 
  D'Villa Clivio
• 
  D'Paräisser Plaz mam Hôtel de Paris (hanne lénks am Bild) (2021)

• Anen, Nicolas, 2012. Interview mit Historiker Robert L. Philippart über die Entwicklung des städtischen Bahnhofsviertel. Das Bahnhofsviertel ist ein Durchgangsort. Luxemburger Wort vum 27. September 2012, Bäilag Semaine nationale du logement 2012, S. 14-15.

• Kierch Lëtzebuerg-Gare
• Arbedsgebai
• Villa Clivio
• Villa Pauly

Commons: Garer Quartier (Stad Lëtzebuerg) – Biller, Videoen oder Audiodateien

• Lëtzebuerger Guiden a Scouten Grupp Sacré-Coeur Lëtzebuerg-Gare

1. ↑ Stad Lëtzebuerg, La ville en chiffres - État de la population au 31.12.2022.