|
Andrea Zanini
L'Andrea Zanini (Zêna, ...), dîto "Zanna", o l'é 'n cantànte lìgure de génere technical death metal e thrash metal che, co-o progètto de Barche a torsio, o cànta in zenéize ascì. VìttaO Zanna, ch'o stâ a Récco, a-o coménso o l'é conosciûo sorviatùtto pi-â sò ativitæ co-i Sadist, 'n grùppo zenéize de death metal, do quæ o n'é stæto a vôxe pe tréi ànni, inclûzo o moménto da publicaçión do sò àlbon ciù avoxòu, o Tribe. Inte st'àlbon chi a vôxe do Zanna, de sòlito da-i toìn tìpichi do death and Growl style, a l'é bén èrta e tòsto âgra ma, a-o mæximo ténpo, fòrte e sgranfignànte. O cantànte, ch'o l'êa intròu inti Sadist do 1993, into 1996 o l'à lasciòu o grùppo aprêuvo a di contràsti tra i sò ménbri e, pe sta raxón chi, o s'é mìsso tórna a cantâ sôlo into 2002 co-i Raza de Odio. Quésto grùppo o l'é pe cóntra de gùsto trash/folk metal, con de grénde infloénse latìnn-e, tànto chò-u Zanna o l'à dovûo cangiâ o sò stîle de cànto, ciù scûo e growl, e o sò look ascì. L'ativitæ co-i Raza de Odio a l'é andæta avànti scìnn-a-o 2011, quànde, in sciâ fìn, o grùppo o s'é desfòu[1][2]. Into 2005 o Zanini o l'à inandiòu, cómme progètto acùstico paralêlo, e Barche a torsio, doétto de dónde o l'é conosciûo co-o nomiâgio de "Tòrsio" e co-o quæ, in ativitæ ancón a-a giornâ d'ancheu, o cànta i sò péssi tùtti in zenéize in gîo pi-â Ligùria. Insémme a-o Tòrsio inte sto grùppo chi gh'é ànche o Francesco Campanelli de Camóggi, dîto o "Giàscio", sunòu da chitâra che a l'inprinçìpio o l'êa inti Raza de Odio lê ascì[3]. DiscografîaSadist
Raza de Odio
Barche a torsio
Nòtte
Conligaménti estèrni
|
