Çìmma de vitélla a-a sanreméize

Sto piâto, a Çìmma de vitélla a-a sanreméize, caraterìstico de Sanrémmo, o l'é 'na variànte da Çìmma a-a zenéize.

- 1.200 gràmmi (in chìllo e doî ètti) de pànsa de vitélla avèrta a sàcco;
- 130 gràmmi de çervélla de vitélla;
- 80 gràmmi de bitîro;
- pàn gratòu;
- formàggio piaxentìn gratòu;^[1]
- 'na çiòula, 'na caròtta e 'na còsta de sélou;
- in masétto de porsémmo;
- 2 êuve;
- 2 ciödi de ganéufano
- 1 spîgo d'àggio frésco
- dôe fêugge de leitûga;
- êuio d'òiva
- sâ e péivie.

Infriciâ i ciödi de ganéufano inta çiòula e métila a bogî inte 'na pignàtta con drénto doî lîtri d'ægoa, insémme a-a caròtta, a-o sélou menisòu, a-o masétto de porsémmo e a l'àggio. Pasâ a çervélla sótta l'ægoa corénte, levâghe e pelétte e dòppo tagiâla con tànta delicatéssa. Métte i tochétti de çervélla inte 'na copétta, azónzighe 'n cugiarìn de pàn gratòu, doî cugiæ de piaxentìn e-e féugge da leitûga tagiæ a strìsce. Azónze a sâ e o péivie e remesciâ o conpòsto con delicatéssa, dòppo métilo into sachétto, serâne l'avertûa con do fî fòrte giànco.

Métte a çìmma into bròddo de verdûe ch'o bógge e lasciâla chêuxe pe 2 ôe. Scoâla e métila a refreidâ sótta 'n péizo, scìnn-a-o giórno dòppo.

Prìmma de servîla, tagiâ a çìmma a fétte, pasâle prìmma inte êuve sbatûe e dòppo into pàn gratòu e frìzile inte l'êuio e bitîro za deslengoæ in sciù fêugo.

Sta çìmma a se peu servî, câda ò fréida, sénsa frìzila: a fritûa a sèrve a cangiâ o savô, ma a conservâla ascì.

1. ↑ A Zêna o parmigiano o l'é dîto piaxentì.

• (IT) Anna Gosetti della Salda, Le ricette regionali italiane, 17ª ed., Milàn, Solares, 2011, pp. 1206, ISBN 978-88-900219-0-9.

V · D · M Cuxìnn-a lìgure
Antipàsto	Pàn frîto • [[]] • [[]] • [[]] • [[]] •
Prìmmo piâto	Barbagiuan • Panchêutto • Trenette co-o pesto • Menestrinna coe öve • [[]] •
Sàrsa e tócco	Pesto • [[]] • [[]] • [[]] • [[]] •
Péscio	Stocafi • [[]] • [[]] • [[]] • [[]] •
Verdûa	Cundigiùn • [[]] • [[]] • [[]] • [[]] •
Piâto de mêzo	Çìmma a-a zenéize • Çìmma de vitélla a-a sanreméize • [[]] • [[]] • [[]] •
Formaggio e frûta	[[]] • [[]] • [[]] • [[]] • [[]] •
Dôçe	Cobelétti • Pêti de muniga •Turta de sücca dûse • [[]] • [[]] •
Vìn e bavànda	[[]] • [[]] • [[]] • [[]] • [[]] •