Alta velocità ferroviaria

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos. Per avè on'ideja di alter vos senza font, vardee chichinscì.

Per alta velocità ferroviaria se intend l'insemma di tecnologij, segnalament, treni, infrastruttur e modalità de esercizzi e de comunicazion che permetten a di treni de viaggià a 'na velocità pussee volta di àlter treni e alta in general.

A gh'è no 'na definizion univoca de alta velocità ferroviaria, che la varia de organizzazion e de Stat. Per l'Union Europea i criteri a hinn:

• Infrastruttura dedicada per el sistema
• Treni boni de rivà almen a 200 km/h e de viaggià a quella velocità in sui lign normai e a 250 km/h in sui lign AV.
• Treni e infrastruttur pensaa proppi per quell servizzi, la soa sicurezza e 'l sò comfort.

L'Union Internazionala di Ferrovij la fa, inveci, 'na classificazion a categorij:

• Categoria I: Tratt de noeuva costruzion che permetten de viaggià almen a 250 km/h
• Categoria II: Tratt giornaa per permett on traffich a almen 200 km/h
• Categoria III: Tratt giornaa per permett on traffich a almen 200 km/h ma che in d'ona part de la linia, per di situazion geografich o sociai, deven rallentà

A bon cunt però el termen AV a l'è soratutt 'na denominazion commerciala de servizzi: Gh'è per esempi di treni che riven a pussee de 200 km/h e hinn consideraa convenzionai, 'me i InterCity todesch e frances, e gh'è di treni pussee lent che hinn consideraa AV, 'me el SuperCity di Ferrovij Cecch.

Questa sezzion chì l'è ancamò voeuda. Juta a scrivela

Per savenn pussee, varda i articoi Pendolino e Assett variabil.

L'assett variabil, ciamaa anca pendolament, el permett de fà i curv di lign tortuos a 'na velocità pussee volta sènza danneggià el confort di passegee e l'è tipicament doperaa per i treni che deven viaggià anca in su di lign normai e cont di curv.

Antigament el Pendolino a l'era el treno AV italian de longa percorrenza, e incoeu a l'è doperaa in Cechia per la categoria SuperCity.

Per savenn pussee, varda l'articol ERTMS.

In di lign a alta velocità el segnalament ferroviari tipich el dà no el temp de vedèll, dònca a l'è tipicament sostituii cont on sistema computerizzaa che 'l permett de mantegnì el segnalament a bord. El standard europee a l'è ciamaa ERTMS.

Tipicament i binari doperaa a hinn senza saldatura e cont di sistema per permett ona velocità pussee granda, 'me i traversitt de ciment. In di Stat cont la red a scartament redutt tipicament i lign AV a hinn faa a scartament standard, per esempi el Shinkansen giappones a l'è inscì.

Tipicament i lign AV che viaggen a pussee de 250 km/h doperen 'na correnta 25 kV in correnta alternada.

On esempi a l'è la red ferroviaria italiana, che la dopera i 3 kV CC per la red normala e i 25 kV CA per la red a alta velocità.

• ETR 400 (Italia)

• ETR 500 (Italia)

• ICE (InterCity Express)
• Renfe AVE S-103 (Spagna)
• CRH3 (Cina)
• Sapsan (Federazion Russa)

• Shinkansen (Giappon);
• THS 700T (Taiwan High Speed Rail) (Taiwan);
• CRH2 (Cina).

• Renfe AVE S-102 (Spagna)
• Talgo 250

• TGV (Train à grande vitesse) (Francia)
• Eurostar (Regn Unii – Francia/Belgi)
• Thalys (Francia – Belgi – Paes Bass – Germania)
• Renfe (AVE S-100, Euromed S-101) (Spagna)
• KTX-I (Corea del Sud, KTX, bon de rivà a a 400 km/h)
• AGV (Automotrice Grande Vitesse) (Italia, progettaa per 360 km/h)

• Pendolino in Italia (ETR 401 - ETR 450 - ETR 460 - ETR 470 - ETR 480), Finlandia, Portogall (Alfa Pendular), Slovenia (InterCitySlovenija), Cechia e Regn Unii
• ETR 490 "Alaris" in Spagna
• ETR 600 - ETR 610
• Acela Express in USA
• ICN e Cisalpino in Isvizzera (ETR 470)
• LRC in Canada
• Signatur in Norvegia
• Talgo XXI in Ipagna;
• X2000 in Isvezia (Linx)
• CRH5 (Cina)

• Maglev