Pitiroi
Ko Pitiroi (Robert Fitzroy) te Kāwana tuarua o Aotearoa. Nō te tau 1805 i whānau mai a ki Ingarangi. Ka kuraina ia ki te Kāreti Roera Tauāmoana. Ko tōna kaipuke tuatahi ko te Beagle. Nō te 1831, nā Pitiroi i whakamahere ngā takutai moana o Tierra del Fuego, o Patagonia, o Ngā Ara o Magellan hoki. He hoa tōna i tēnei haerenga āna, ko Charles Darwin, ko te tohunga pūtaiao, ā, ka puta mai āna whakaaro rongonui mō ngā tūhuratanga me ngā mea i kite ai ia nō taua haerenga kaipuke.
Ka tohungia a Pitiroi i te tau 1843 hei Kāwana mō Aotearoa, i muri i te mate wawe o Kāwana Hopihona, i hemo ai i te 1842. Kua pau ke i taua wā ngā moni o te koroni, ka puta mai ki Te Wairau te riri a te Māori ki te Pākehā. Ka haria e te hau he rongo mō te pakanga ki Te Tai-tokerau hoki. Heoi anō, kāhore i tukuna he hōia, he pūtea rānei hei tautoko i te tū o te Kāwana hou. Ka tukuna kētia ki a ia ngā tohutohu, māna e whakawhitiwhiti kōrero kē, mā tēnei pea e ea ngā raruraru. Kāhore kau a Ngāti Toa i pākia mō te whawhai ki Te Wairau e Pitiroi, nā te mea e kore a Pitiroi i tino mōhio mehemea i tika te riro mai i ō te Kamupene o Niu Tīreni whenua; nā te mea hoki, i te mōhio anō a Pitiroi, e kore te riri ki a Ngāti Toa e tareka e ia. Kātahi anō a Pitiroi ka tahuri ki te tino rangahau i ērā hokonga atu o te Kamupene o Niu Tīreni; kia oti rā anō ēnei mahi, kātahi anō aua hokonga ka whakamanahia. Ka puta rā te riri a ngā tāngata whaimana o te Kamupene o Niu Tīreni, me tā rātou kōrero kia panaia ko Pitiroi kia whakahokia ia ki Ingarangi.
Ko tētahi atu o ngā āhuatanga o te wā Kāwana i a Pitiroi, ko tētahi ture o te tau 1844 e kīa nei ko te Native Exemption Ordinance. He pire e aro ana ki ngā tikanga whakahaere i ngā ture e pā ana ki ngā Māori, arā, ki te hara te Māori me utu paremata ia, kāhore ia e whiua ki te whareherehere. Ko te wā e mana ana taua pire te poto rawa. Ahakoa tērā, hei wāhi anō tēnei mō ngā rangatira e whakatau raruraru. Mā te Karauna anake te mana hoko whenua Māori i te wā i a Pitiroi te Kāwana, he tikanga tēnā i whakamanahia e te Tiriti o Waitangi tonu. Heoi anō, nā te mea he iti rawa te pūtea, kāhore te Karauna i āhei ki te hoko whenua mai i te Māori, kāhore anō e taea te hoko atu ki ngā kaiwhakanoho. Me te aha, ka puta te riri a ngā Māori ki ngā kaiwhakanoho, a ngā kaiwhakanoho ki ngā Māori, ka kino haere ngā raruraru.
Ka puta te whakautu a Pitiroi mō taua āhuatanga, ka whakaaetia tā te Māori hoko tika i ngā whenua ki ngā kaiwhakanoho. Kāhore i whakaae te Tari mō ngā Koroni ki taua whakaaro a Pitiroi, ā, nō te marama o Haratua o te tau 1845 ka puta ko te whawhai i Te Tai-tokerau, ka tonoa kia hoki ia ki Ingarangi a Pitiroi.
Tohutoro
- Ngā Tāngata Taumata Rau URL:NZDB
 | He maramara noa iho tēnei tuhipānui. Tirohia ngā tikanga whakapai mō tēnei paetukutuku reo Māori. Māu pea e tāpiri ētahi kōrero kia tāroa ake? |
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
