A Tribe Called Quest

A Tribe Called Quest
A Tribe Called Quest на настап во 2009. Од лево кон десно: Џароби Вајт, Кју-Тип, и Фајф Дог.
Животописни податоци
Потекло	Њујорк, САД
Жанрови	Алтернативен хип-хоп џез-рап прогресивен рап[1] психоделичен рап[2]
Период на активност	1985–1998[3] 2006–2013 2015–2017[4]
Издавачи	Jive Epic
Соработници	Native Tongues Busta Rhymes Consequence J Dilla Rashad Smith Beastie Boys
Мреж. место	atribecalledquest.com
Поранешни членови
Кју-Тип Фајф Дог Али Шахид Мухамед Џероби Вајт

A Tribe Called Quest ― американска хип-хоп група основана во Квинс, Њујорк Сити, во 1985 година.^{[5] [6]} На почетокот групата била составена од: раперот и главен продуцент Кју-Тип,^[7] раперот Фајф Дог, диџејот и копродуцент Али Шахид Мухамед и раперот Џароби Вајт. Групата се смета за пионер на алтернативниот хип-хоп и на спојувањето на џезот со хип хопот, со што влијаела на многу хип-хоп и ар-ен-би музичари.^{[8] [9] [10]}

Групата A Tribe Called Quest се здобила со популарност како член на колективот Native Tongues, кој тие го коосновале во 1988 година. Првиот албум на групата, People's Instinctive Travels and the Paths of Rhythm (1990) бил пофален од критиката и бил прв албум во историјата кој добил оцена од пет „микрофони“ од The Source.^{[11] [9]} Во 1991 година, групата имала успех во продажбата на нивниот втор албум со примеси на џез, The Low End Theory, албум кој силно влијаел во обликувањето на алтернативниот хип-хоп во 1990-тите.^[12] Потоа групата ги објавила подеднакво успешните и влијателни албуми: Midnight Marauders (1993) и Beats, Rhymes and Life (1996), кои биле на врвот на Billboard 200. Во 1998 година, непосредно пред да го издаде својот петти албум The Love Movement, групата се распаднала. Во 2006 година, членовите на групата повторно се обединиле и следните седум години ги поминале во повремени турнеи. Во 2016 година, групата го издала нејзиниот шести и последен албум, We Got It from Here... Thank You 4 Your Service, кој добил признание од критиката и станал нејзин втор албум на врвот на Билборд 200; на него биле објавени и постхумните дела од Фајф Дог, кој починал осум месеци пред неговото објавување.^[13]

A Tribe Called Quest била комерцијално најуспешна група во Native Tongues, а сите нивни албуми имаат или златен или платинест сертификат.^[14] Џон Буш од AllMusic ги нарече „најинтелигентна, уметничка рап-група во 1990-тите“, ^[15] а Крис Екс од Pitchfork ги сметал за „едни од најдобрите изведувачи кои ги создал хип-хопот воопшто“. ^[16] Во 2005 година, A Tribe Called Quest добила „Награда за основачи“ на Billboard R&B/Hip-Hop Awards,^[17] а две години подоцна групата добила награда на 4-то доделување на наградите Hip Hop Honors организирани од VH1.^[18] Во 2017 година, групата ја добила Брит награда за меѓународна група.

• Кју-Тип – вокал, продукција (1985–1998, 2006–2013, 2015–2017)
• Фајф Дог – вокал (1985–1998, 2006–2013, 2015–2016; починал во 2016 година)
• Али Шахид Мухамед – грамофони, копродукција (1985–1998, 2006–2013, 2015–2017)
• Џароби Вајт – вокал (1985–1991, 2006–2013, 2015–2017)

Студиски албуми

• People's Instinctive Travels and the Paths of Rhythm (1990)
• The Low End Theory (1991)
• Midnight Marauders (1993)
• Beats, Rhymes and Life (1996)
• The Love Movement (1998)
• We Got It from Here... Thank You 4 Your Service (2016)

• Матична страница
• Tribe Called Quest A Tribe Called Quest на Discogs (англиски)

Оваа статија музичка група или друг вид ансамбл е никулец. Можете да помогнете со тоа што ќе ја проширите. п р у