|
വാഴേങ്കട നരസിംഹമൂർത്തി ക്ഷേത്രം
മലപ്പുറം ജില്ലയിലെ തൂതപ്പുഴയുടെ തീരത്തുള്ള ഒരു ചെറുഗ്രാമമായ വാഴേങ്കടയിൽ സ്ഥിതിചെയ്യുന്ന ക്ഷേത്രമാണ് വാഴേങ്കട നരസിംഹമൂർത്തി ക്ഷേത്രം. ശാന്തസ്വരൂപനായ നരസിംഹമൂർത്തിയാണ് ഇവിടുത്തെ പ്രതിഷ്ഠ.[1] ഐതിഹ്യംദ്വാപരയുഗത്തിൽ ശ്രീരാമ ഭക്തനായ ഹനുമാൻ കദളീവനത്തിൽ തപസ്സനുഷ്ടിക്കുന്ന സമയത്ത് ഒരു ഘട്ടത്തിൽ സംസാരശേഷി നഷ്ടപ്പെട്ടു.[അവലംബം ആവശ്യമാണ്] ലങ്കാദഹന സമയത്ത് മിണ്ടാപ്രാണികൾ വെന്തു മരിച്ചു പോയ പാപമായിരുന്നു ഇതിനു കാരണം.[അവലംബം ആവശ്യമാണ്] ദേവർഷി നാരദന്റെ ഉപദേശപ്രകാരം മഹാവിഷ്ണുവിന്റെ അവതാരമായ നരസിംഹത്തെ പ്രതിഷ്ഠിച്ച് ഉപാസിക്കുകയും തത്ഫലമായി സംസാര ശേഷി തിരിച്ചുകിട്ടുകയും ചെയ്തു.[അവലംബം ആവശ്യമാണ്] ആയതുകൊണ്ട് ശ്രീ ഹനുമാന് പ്രത്യേക പ്രതിഷ്ഠ ഇല്ലെങ്കിലും ആ സാന്നിദ്ധ്യം ഈ ക്ഷേത്രത്തിൽ നിറഞ്ഞു നിൽക്കുന്നു.[അവലംബം ആവശ്യമാണ്] കദളീവാഴയുടെ കടഭാഗത്തു നിന്നും ഹനുമാന് കിട്ടിയ ഈ വിഗ്രഹത്തെ പ്രതിഷ്ഠിച്ച ഈ സ്ഥലം വാഴക്കട എന്ന പേരിൽ അറിയപ്പെടാൻ തുടങ്ങി. പിൽക്കാലത്ത് ഇത് ലോപിച്ച് വാഴേങ്കട എന്നായി എന്നാണ് വിശ്വാസം. മൂലസ്തുതി
ക്ഷേത്രനിർമ്മിതികൃഷ്ണശിലയിൽ നിർമിച്ച മഹാവിഷ്ണുവിന്റെ ചതുർബാഹു വിഗ്രഹമാണ്‌ ക്ഷേത്രത്തിൽ പ്രതിഷ്ഠിച്ചിരിക്കുന്നത്.[അവലംബം ആവശ്യമാണ്] കൈകളിൽ ശംഖ്, ചക്രം, ഗദ, താമര എന്നിവയുണ്ട്. കഴുത്തിനു താഴെ ഗോളകകൊണ്ട് പൊതിഞ്ഞതാണ്.[അവലംബം ആവശ്യമാണ്] ദുർഗ്ഗ, ഗണപതി, ശാസ്താവ് എന്നീ ഉപദേവതകളുടെ വിഗ്രഹങ്ങളും ശിലയിലാണ് നിർമിച്ചിട്ടുള്ളത്.[അവലംബം ആവശ്യമാണ്] നിത്യപൂജകൾ
ഉത്സവങ്ങൾകേരളത്തിനകത്തും പുറത്തുനിന്നുമായി നിരവധി കുട്ടികൾ വിദ്യാരംഭത്തിൽ ഹരിശ്രീ കുറിക്കാൻ നരസിംഹ സന്നിധിയിലെത്താറുണ്ട്.[അവലംബം ആവശ്യമാണ്] ക്ഷേത്രത്തിലെ വിശേഷാൽ പരിപാടികളായി ഇടവമാസത്തിലെ അനിഴം നക്ഷത്രം പ്രതിഷ്ഠാദിനമായും തുലാമാസത്തിലെ തിരുവോണം നക്ഷത്രം നരസിംഹഭഗവാന്റെ തിരുനാളായും ധനുമാസത്തിലെ തിരുവോണം മുതൽ എട്ടു ദിവസം ക്ഷേത്രോത്സവമായും ആഘോഷിച്ചു വരുന്നു.[അവലംബം ആവശ്യമാണ്] എല്ലാ വർഷവും തുലാമാസം ഒന്നാം തീയതി ക്ഷേത്രത്തിൽ ലക്ഷാർച്ചന നടത്താറുണ്ട്‌.[അവലംബം ആവശ്യമാണ്] എത്തിച്ചേരുവാനുള്ള വഴി
അവലംബം
|
