ശിഖർ ധവൻ

ഇംഗ്ലീഷ് വിലാസം

https://ml.wikipedia.org/wiki/Shikhar_Dhawan

ശിഖർ ധവൻ

വ്യക്തിഗത വിവരങ്ങൾ
മുഴുവൻ പേര്	ശിഖർ ധവൻ
ജനനം	(1985-12-05) 5 ഡിസംബർ 1985  (39 വയസ്സ്) ദില്ലി, ഇന്ത്യ
ഉയരം	5 അടി (1.52400000000 മീ)*
ബാറ്റിംഗ് രീതി	ഇടം കയ്യൻ
ബൗളിംഗ് രീതി	വലം കയ്യൻ ഓഫ്‌ ബ്രേക്ക്‌
റോൾ	ഓപ്പണിംഗ് ബാറ്റ്സ്മാൻ
ബന്ധങ്ങൾ	അയീഷ മുഖർജീ (ഭാര്യ)
അന്താരാഷ്ട്ര തലത്തിൽ
ദേശീയ ടീം	ഇന്ത്യ
ആദ്യ ടെസ്റ്റ്	14 മാർച്ച് 2013 v ഓസ്ട്രേലിയ
അവസാന ടെസ്റ്റ്	14 മാർച്ച് 2013 v ഓസ്ട്രേലിയ
ആദ്യ ഏകദിനം	20 ഒക്ടോബർ 2010 v ഓസ്ട്രേലിയ
അവസാന ഏകദിനം	16 ജൂൺ 2011 v വെസ്റ്റ് ഇൻഡീസ്
ഏക ടി20 (ക്യാപ് 36)	4 ജൂൺ 2011 v വെസ്റ്റ് ഇൻഡീസ്
പ്രാദേശിക തലത്തിൽ
വർഷം	ടീം
2005-present	ഡൽഹി
2008	ഡെൽഹി ഡെയർഡെവിൾസ്
2009–2010	മുംബൈ ഇന്ത്യൻസ്
2011–2012	ഡെക്കാൻ ചാർജേഴ്സ്
2013-present	സൺറൈസേഴ്സ് ഹൈദരാബാദ്
കരിയർ സ്ഥിതിവിവരങ്ങൾ
മത്സരങ്ങൾ ടെസ്റ്റ്‌ ഏക ദിനം ഫസ്റ്റ് ക്ലാസ്സ് ട്വന്റി 20 കളികൾ 1 5 80 78 നേടിയ റൺസ് 187 69 5616 2096 ബാറ്റിംഗ് ശരാശരി 187.00 13.80 46.03 30.82 100-കൾ/50-കൾ 1/1 0/1 16/23 0/16 ഉയർന്ന സ്കോർ 187 51 224 95* എറിഞ്ഞ പന്തുകൾ - – 244 48 വിക്കറ്റുകൾ - – 3 4 ബൗളിംഗ് ശരാശരി – – 41.33 16.50 ഇന്നിംഗ്സിൽ 5 വിക്കറ്റ് 0 – – 0 മത്സരത്തിൽ 10 വിക്കറ്റ് 0 – – n/a മികച്ച ബൗളിംഗ് n/a – 2/30 1/7 ക്യാച്ചുകൾ/സ്റ്റം‌പിംഗ് -/– 1/- 82/- 34/-
ഉറവിടം: Cricinfo, 23 January 2013

ഡൽഹിയിൽ നിന്നുള്ള ഇന്ത്യൻ ക്രിക്കറ്ററാണ്‌ ശിഖർ ധവൻ (ജനനം : 1985 ഡിസംബർ 5). അക്രമണോത്സുകനായ ഇടം കയ്യൻ ബാറ്റ്സ്മാനും, വലം കയ്യൻ ഓഫ് സ്പിൻ ബൗളറുമാണ് ശിഖർ ധവൻ. തന്റെ ആദ്യത്തെ അന്താരാഷ്ട്ര ഏകദിന മത്സരം 2010-ലും ആദ്യ ടെസ്റ്റ് മത്സരം 2013-ലുമാണ് ശിഖർ ധവൻ കളിച്ചത്.^[1] ആഭ്യന്തര ക്രിക്കറ്റിൽ ഡൽഹി ടീമിന് വേണ്ടിയാണ് ശിഖർ ധവൻ കളിക്കുന്നത്.^[2]

ഓസ്ട്രേലിയക്കെതിരെ 2010-ൽ ആദ്യ ഏകദിനം കളിച്ച ശിഖർ 2013 മാർച്ച് 14-ന് ഓസ്ട്രേലിയക്കെതിരെ മൊഹാലിയിൽ ടെസ്റ്റ്‌ ക്രിക്കറ്റിൽ അരങ്ങേറ്റം കുറിച്ചു. കളിയുടെ മൂന്നാം ദിവസം ടെസ്റ്റിൽ ഇന്ത്യയുടെ ഒന്നാം ഇന്നിഗ്സിൽ 85 പന്തിൽ 100 റൺസ് കടന്ന ശിഖർ ടെസ്റ്റ് ക്രിക്കറ്റിൽ അരങ്ങേറ്റ മത്സരത്തിൽ ഏറ്റവുംവേഗത്തിൽ സെഞ്ച്വറി നേടുന്ന താരമെന്ന ബഹുമതി സ്വന്തമാക്കി.^[3] മൂന്നാം ദിവസം കളി നിർത്തുമ്പോൾ പുറത്താകാതെ 185 നേടിയ ശിഖർ, അടുത്ത ദിവസം 187 റൺസിന് പുറത്തായി. ഈ മൽസരത്തിൽ ശിഖർ ധവാന് മാൻ ഓഫ് ദി മാച്ച് പുരസ്കാരവും ലഭിച്ചു. 2013 ജൂൺ 6-ന് ദക്ഷിണാഫ്രിക്കക്കെതിരെ കാർഡിഫിൽ നടന്ന ചാമ്പ്യൻസ് ട്രോഫി ടൂർണമെന്റിന്റെ ആദ്യ മത്സരത്തിൽ ധവാൻ തന്റെ പ്രഥമ ഏകദിന ക്രിക്കറ്റ് സെഞ്ച്വറി നേടി.

2013 ഓഗസ്റ്റ്‌ 12-ആം തിയതി പ്രിട്ടോറിയയിൽ ദക്ഷിണാഫ്രിക്കൻ എ ടീമിനെതിരായ ഏകദിന മത്സരത്തിൽ ശിഖർ ധവാൻ ഡബിൾ സെഞ്ചുറി (150 പന്തിൽ 248 റൺ) നേടി. എ ക്ലാസ് മത്സരങ്ങളിൽ ഒരു താരം നേടുന്ന ഏറ്റവും ഉയർന്ന രണ്ടാമത്തെ സ്കോറാണിത്. ^[4] 2013ലെ മികച്ച ബാറ്റിങ് പ്രകടനത്തിന് വിസ്ഡന്റെ മികച്ച അഞ്ച് ക്രിക്കറ്റ് താരങ്ങളുടെ പട്ടികയിൽ ശിഖർ ധവാൻ സ്ഥാനം പിടിച്ചു.^[5]

ടെസ്റ്റ്‌ ശതകങ്ങൾ

ശിഖർ ധവന്റെ ടെസ്റ്റ്‌ ശതകങ്ങൾ
നം.	റൺസ്	ബോളുകൾ	4s	6s	എതിർ ടീം	വേദി	വർഷം	മത്സരഫലം
1	187	174	33	2	ഓസ്ട്രേലിയ	പി.സി.എ. സ്റ്റേഡിയം, മൊഹാലി, ചണ്ഡീഗഢ്	2013	ഇന്ത്യ ആറ് വിക്കറ്റുകൾക്ക് വിജയിച്ചു

ഏകദിന ശതകങ്ങൾ

ശിഖർ ധവന്റെ ഏകദിന ശതകങ്ങൾ
നം.	റൺസ്	ബോളുകൾ	4s	6s	എതിർ ടീം	വേദി	വർഷം	മത്സരഫലം
1	114	94	12	1	ദക്ഷിണാഫ്രിക്ക	സോഫിയ ഗാർഡൻസ്, കാർഡിഫ്, വെയിൽസ്	2013	ഇന്ത്യ 26 റൺസിന് വിജയിച്ചു[6]
2	102*	107	10	1	വെസ്റ്റ് ഇൻഡീസ്	The Oval, London, England	2013	Won
3	116	127	11	2	സിംബാബ്‌വെ	Harare Sports Club, Harare, Zimbabwe	2013	Won

ഇന്ത്യൻ പ്രീമിയർ ലീഗിൽ 2008-ൽ ശിഖർ ഡെൽഹി ഡെയർഡെവിൾസിന് വേണ്ടിയും 2009–2010 വർഷങ്ങളിൽ മുംബൈ ഇന്ത്യൻസിന് വേണ്ടിയും 2011–2012 വർഷങ്ങളിൽ ഡെക്കാൻ ചാർജേഴ്സ് ടീമിന് വേണ്ടിയും കളിച്ചു. ഡെക്കാൻ ചാർജേഴ്സിനെ ഇന്ത്യൻ പ്രീമിയർ ലീഗിൽ നിന്നും പുറത്താക്കിയ ശേഷം 2013-മുതൽ സൺറൈസേഴ്സ് ഹൈദരാബാദ് ടീമിന് വേണ്ടി കളിക്കുന്നു.