|
ടി.എ. റസാക്ക്
മലയാള ചലച്ചിത്ര പ്രവർത്തകനായിരുന്നു ടി.എ. റസാക്ക് (25 ഏപ്രിൽ 1958 – 15 ഓഗസ്റ്റ് 2016).[1] മുപ്പതോളം ചലച്ചിത്രങ്ങൾക്ക് കഥ, തിരക്കഥ, സംഭാഷണമെഴുതി.[2] ജീവിതരേഖമലപ്പുറം ജില്ലയിലെ കൊണ്ടോട്ടിയിലെ തുറക്കലിൽ ടി.എ.ബാപ്പു, വാഴയിൽ ഖദീജ ദമ്പതികളുടെ മൂത്ത മകനായി 1958 ഏപ്രിൽ 25-ന് റസാഖ് ജനിച്ചു. കൊളത്തൂർ എഎംഎൽപി സ്‌കൂൾ, കൊണ്ടോട്ടി ഗവൺമെന്റ് ഹൈസ്‌ക്കൂൾ എന്നിവിടങ്ങളിലായി വിദ്യാഭ്യാസം പൂർത്തിയാക്കി. ഹൈസ്‌കൂൾ കാലത്തുതന്നെ നാടകപ്രവർത്തനങ്ങളിൽ സജീവ സാന്നിധ്യമായിരുന്നു. പിൽക്കാലത്ത് 'വര' എന്ന പേരിൽ ഒരു സമാന്തര പ്രസിദ്ധീകരണം നടത്തി. കെഎസ്ആർടിസിയിൽ ക്ലർക്കായ് കുറച്ചു കാലം ജോലി ചെയ്തു. 1987 ൽ ധ്വനി എന്ന സിനിമയിൽ സംവിധായകൻ എ.ടി.അബുവിന്റെ സംവിധാന സഹായിയായാണ് റസാഖ് സിനിമയിലെത്തിയത്. പിന്നീട് തിരക്കഥാ രചനയിലേക്ക് വഴിമാറിയ അദ്ദേഹം സിബി മലയിൽ, കമൽ, ജയരാജ്, ജി.എസ്.വിജയൻ, വി.എം.വിനു തുടങ്ങിയവർക്കായി തിരക്കഥകൾ രചിച്ചു. 1991 ൽ വിഷ്ണുലോകം എന്ന ചലച്ചിത്രത്തിനാണ് അദ്ദേഹം ആദ്യം കഥ, തിരക്കഥ, സംഭാഷണം എഴുതിയത്.[3] 2016ൽ പുറത്തിറങ്ങിയ സുഖമായിരിക്കട്ടെ എന്ന ചിത്രമാണ് അദ്ദേഹം അവസാനമായി തിരക്കഥ എഴുതിയ ചിത്രം. അന്തരിച്ച തിരക്കഥാകൃത്ത് ടി.എ. ഷാഹിദ് അദ്ദേഹത്തിന്റെ അനുജനായിരുന്നു. കരൾ സംബന്ധമായ അസുഖങ്ങളെത്തുടർന്ന് 2016 ജൂലൈ അവസാനവാരത്തിൽ കൊച്ചിയിലെ അമൃത ആശുപത്രിയിൽ പ്രവേശിപ്പിക്കപ്പെട്ട അദ്ദേഹം അവിടെവച്ച് ആഗസ്റ്റ് 15-ന് അന്തരിച്ചു. 58 വയസ്സായിരുന്നു അദ്ദേഹത്തിന്. മൃതദേഹം ജന്മനാടായ കൊണ്ടോട്ടിയിൽ കബറടക്കി. ഖമറുറുന്നീസ, ഷാഹിദ എന്നിവരായിരുന്നു ഭാര്യമാർ. നാല് മക്കളുണ്ട്. പുരസ്കാരങ്ങൾ
ഫിലിമോഗ്രാഫിതിരക്കഥ
സംഭാഷണം
കഥ
ഗാനരചന
അവലംബം
പുറം കണ്ണികൾ |
||||||||||||||||||
