Anonymous

Anonymous

Eslògan	(en)We are Anonymous. We are Legion. We do not forgive. We do not forget. Expect us « Sièm Anonims. Sièm Legion. Pardonam pas. Obliam pas. Crenhètz nos »
Donadas
Tipe	Associacion segon la lei de 1901 Comunautat virtuala Mèm internet
Istòria
Fondacion	2003-2004

Anonymous (en occitan "anonim"), es un tèrme utilizat en dos senses. Coma un mèm o mèm Internet, representa lo concèpte de fòrça utilizaires de la comunautat en linha, o la comunautat en linha d'esperela, agissent anonimament de fòrma coordonada, sovent cap a un objectiu vagament convengut. Es tanben un labèl adoptat per de grops de personas qu'apartenon a cap d'associacion, mas que s'unisson per de protèstas e d'autras accions jol títol d'Anonymous, que deriva del meteis mèm. Generalament se considèra coma un tèrme per qualques subculturas d'Internet.^[1]

Las accions atribuidas a Anonymous son menadas a tèrme per d'individús non identificats que s'atribuisson d'esperel lo labèl d'Anonymous.^[2] Aprèp una seria de polemicas e manifestacions mediatizadas e Ddos en 2008, los incidents ligats a sos membres son cada còp mai frequents.^[3]

Pasmens es pas ligat a una unica entitat en linha, fòrça sites webs son ligats a Anonymous. Çò qu'inclutz los celèbres 4chan, Futaba Channel, sos associats wikis, Encyclopædia Dramatica e una seria de forums.^[4]

Lo nom d'Anonymous s'inspira en la percepcion d'anonimat qu'an los utilizaires en descargar imatges e comentaris d'internet. L'etiqueta d'anonim (anonymous, en anglés) se dona als visitaires que daissan de comentaris sens s'identificar dins un blòg, imageboard o forum. Aqueles utilizaires de còps que i a agisson coma se anonim èra una persona reala. Lor popularitat aumentant mejans internet, l'idèa d'un collectiu d'individús sens nom venguèt un mèm d'internet.^[5] Anonymous representa globalament lo concèpte de quin que siá e de totes los compausants d'un collectiu sens nom.

«Anonymous es la primièra superconsciéncia basada sus internet. Anonymous es un grop, dins lo sens qu'una ramat d'aucèls es un grop. Cossí sas que son un grop? perque viatjan dins la meteissa direccion. En un moment donat, mai aucèls pòdon s'apondre, daissar, causir una autra direccion.»^[6]

Anonymous coordonèt d'atacas dins l'Operation Payback contra Postfinance.ch (banca soïssa), sistèma de pagament Paypal, cartas de credit (Visa - MasterCard), e las paginas de personatges politics coma Sara Palin o lo senador ultraconservador Joe Liberman e d'autras paginas web que bloquejèron o ataquèron WikiLeaks.^[7] En responsa a aquelas accions, qualques entrepresas de servici Internet, coma Facebook, Twitter e d'autras tampèron los comptes qu'aviá lo grop e enebèron la dobertura de nòus comptes.^[8] Tanben, un grop d'"hackers" anoncièt divèrsas atacas dirigidas cap als comptes de Facebook.

• Operacion Leakspin

1. ↑ (en)Jessica Parral, James CLARK; Internet Group Takes Action Against Scientology [1] Universitat de Califòrnia, Santa Cruz
2. ↑ (en)Shaun Davies, The internet pranksters who started a warname="shaundavies1"[2]
3. ↑ (en)Alexia Tsotsis; My Date with Anonymous: A Rare Interview with the Elusive Internet Troublemakers; ed: LA Weekly; 4 de febrièr de 2009 [3]
4. ↑ (en)Metz Cade; Google kills Anonymous AdSense account |[4]; ed:The Register; 14 de mai de 2008; San Francisco
5. ↑ (en)Tom Whipple; Scientology: the Anonymous protestors; The Times; 20 de junn de 2008 [5]; Londres
6. ↑ (en)Chris Landers Serious Business: Anonymous Takes On Scientology (and Doesn't Afraid of Anything); ed:Baltimore City Paper; 2 d'abril de 2008
7. ↑ (es) Delia Rodríguez Anonymous: los enemigos de los enemigos de Wikileaks; ed:El País; 8 de decembre de 2010
8. ↑ (ca) Un grup de 'hackers' denuncia que Facebook els tanca la pàgina perquè denuncien el boicot a Wikileaks|ed:Ara.cat; 9 de decembre de 2010