Australopithecus garhi
.jpg)
Era majoritat des scientifics que traparen Australopithecus garhi confirmen qu'ei un representant dera linha evolutiva umana.
| Règne | Animalia |
|---|---|
| Embrancament | Chordata |
| Sosembr. | Vertebrata |
| Classa | Mammalia |
| Òrdre | Primates |
| Familha | Hominidae |
| Sosfamilha | Homininae |
| Genre | Australopithecus |
Australopithecus garhi
Asfaw, White, Lovejoy, Latimer, Simpson & Suwa, 1999
Australopithecus garhi ei ua espècia fossil d'ominid qu'apertenh ath grop des australopitecids gracils. Era sua edat ei d'aperaquí uns 2,6 milion d'annades.
Descurbiment
Eth fossil, aperat BOU-VP-12/130, siguec descurbert en 1997 per Johannes Haile-Selassie, un membre dera equipa scientifica amiada peth paleontològ etiopian Berhane Asfaw. Aguest darrèr publiguec era definicion e descripcion dera espècia ja en 1999 en collaboracion damb eth paleontològ american Tim White (1).
Eth prumèr descurbiment siguec hèt en eth vilatge de Bouri, ena val mieja der arriu Awash, ena depresion der Afar, en Etiopia.Eth nom dera espècia gahri vò díder estonada o suspresa.
Descripcion
BOU-VP-12/130 ei ua amassada plan incompleta d'un uas cranian qu'includiva er us frontal, es uassi parietals e tanben era maishera e es dents. Australopithecus gahri a caracteristiques propies e tanben de d'autes australopitecids gracils coma australopithecus afarensis e Australopithecus africanus o es australopitecids robusti, sustot en eth nivèu dera maishera. Er estudi des premolars e des molars confirma que son mès grani que non es d'autes formes gracils mès mens robusti que non es paranthropi.
Era capacitat craneana d'Australopithecus garhi, estimada en 450 cm (3) ei prèp dera d'autes australopitecids.
D'autes fossils an sigut descurberts prèp des troçi de cran de BOU-VP-12/130 coma despulhes post-craneanes, un troç d'un dusau cran e dues maisheres, ua des quals ei relativaments sancera. Es scientifics pensen qu'era morfologia dera maishera confirme qu'ei ua navèra espècia mès qu'es pòt pas esclúder que quauques despulhes sejan d'ua auta espècia.
Interpretacion
Es scientifics que traparen Australopithecus garhi confirmèren qu'ei un representant deth linhatge uman (1). Coma diguec C. Grovers, que demorèc pauc de temps abans dera aparicion des prumèrs representants deth genre Homo, qu¡apareishen 200.000 o 300.000 annades dempús, e es dents des quals son plan desparières (2).
Prumèrs utís de pèira bracada
.svg)
Es utís de pèira bracada bremben er Olduvaian e sigueren descurberts en lòcs vesins des fossils d'Australopithecus garhi mès que non i a pas ua associacion directa. Totun, es uassi de gazèla trapats damb aguest ominid an vestigis interpretats coma despulhes de bracatge damb utís de pèira (3). Aguestes despulhes serien ua prova directa d'una des mès ancianes utilizacions d'utís conegudes. Es utís en question serien plan mès ancians qu'aqueri atribuïts a Homo habilis mès ei impossible de confirmar qu'Australopithecus garhi ei eth sòn autor.
Referéncies
1.- a et b Asfaw B., White T.D., Lovejoy C.O., Latimer B., Simpson S., and Suwa G. (1999): « Australopithecus garhi: a new species of early hominid from Ethiopia », Science, 284, pp. 629-35. (version html [archive] ou version pdf [archive]).
2.- Groves, C. (1999) « Australopithecus garhi: a new-found link? », Reports of the National Center for Science Education, May/June 1999, (disponible en ligne ici [archive] ou ici [archive]).
3.- Heinzelin, J. de, Clark, J.D., White, T.D., Hart, W., Renne, P., WoldeGabriel, G., Beyene, Y. et Vrba, E. (1999) - « Environment and Behavior of 2.5-Million-Year-Old Bouri Hominids », Science, vol. 284, n° 5414, pp. 625-629 (résumé en anglais) [archive].
Lòcs web
· Australopithecus garhi [1]
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
