Colbertisme

Lo colbertisme es une doctrina economicopolitica del sègle XVII, elaborada aprèp la mòrt de Jean-Baptiste Colbert, contrarotlaire general de las finanças de Loís XIV. Lo colbertisme es una mena du mercantilisme, e es mai un ensemble de praticas economicas qu’una vertadièra escòla de pensada economica. Lo colbertisme se resumava dins una frasa fòrça simple, «Tot per la metropòli e al son nom.» (Aquo significa que se cal importar çò mens possible e exportar çò mai possible.)

Coma corrent de pensada economica, es concurrenciada al sègle XVIII pel fisiocratisme, qu'es une reaccion facia al colbertisme, puèi pel liberalisme economic.

Principalas caracteristicas

Le colbertisme es una mena francesa de la teoria economica del mercantilisme que las principalas caracteristicas son:

l'acampament de las riquessas (aur, argent ...) ;
lo proteccionisme del mercat interior ;
l'autreg de subvencions per l’exportacion ;
l'organizacion de comandas publicas ;
un desvolopament fòrça contrarotlat de las colonias totas dependenta de la metropòli.

Colbert transforma la logica mercantilista d’acumulacion dels metals precioses dins una organizacion pimpilhosa de l’Estat que ven un vector de poténcia e de grandor pel país e son monarca.

Los sostens balhats a l’industria francesa (que las famosas manufacturas) per l'Estat son pas concebuts per durar totjorn: l’objectiu es que las entrepresas aquièran un saber far e una grandor sufisente (que mena a d'economias d'escala) que lor permetran de venir competitivas amb las principalas concurrentas de l'epòca, anglesas e olandesas.