Demotic
 Alfabet demotic | |
|---|---|
  | |
| Tipe | escritura logografica, escritura naturala e alfabet monocameral |
| Creacion | 650 aC |
| Origina | Egipte antica |
| Basat de | Ieratic |
| Sistèmas anteriors | Ieratic
|
| ISO 15924 | Egyd (070 ) |
| Direccion | de dreita a esquèrra |
L'alfabet demotic (en grèc ancian: δημοτικός dēmotikós, "popular") es l'escritura utilizada a l'Egipte antica al costat dels ieroglifs e de l'ieratic.
Etimologicament los ieroglifs son los simbòls talhats sus la pèira, mentre que l'escritura ieratica èra emplegada dins los tèxts religioses pels prèstes. Lo demotic es una fòrma simplifada dels simbòls ieratics (emplegat dins lo comèrci).
Foguèt creada cap a 660 aC e venguèt l'escritura dominanta de l'Egipte antica cap a 600 aC. A la debuta del sègle IV aC, comencèt a èsser remplaçat per l'alfabet grèc. Lo darrièr còp que se se'n rebremba, es l'an 451 dC, sus las parets del temple de Filae. Demotic es un tèrme creat per Erodòt e deu èsser distinguit del grèc demotic (de pòble).
Demotic mejan
Lo demotic mejan (cap a 400-30 aC) es l'estadi d'escritura utilizat pendent la dinastia ptolemaïca. A partir del sègle IV aC, lo demotic gaudís d'un estatut mai naut, coma ne testimònia son utilizacion creissenta pels tèxts literaris e religioses. A la fin del sègle III aC, lo grèc koinè[1] èra mai important, perque èra la lenga administrativa del país; Los contractes demotics perdián la màger partida de lor fòrça juridica levat que non i aja pas una nòta en grèc indicant qu'èran enregistrats al près de las autoritats.
Demotic tardiu
Dempuèi l'inici de la dominacion romana en Egipte, lo demotic foguèt de mens en mens utilizat dins la vida publica. Existís pasmens un certan nombre de tèxts literaris escrits en demotic tardiu (mai o mens 30 aC – 452 dC), en particular a partir dels sègles I e II dC. La quantitat de tèxts demotics demesiguèt lèu cap a la fin del sègle II. Al contra de la faiçon dont lo latin a eliminat las lengas dins la partida occidentala de l'Empèri, lo grèc non a completament remplaçat lo demotic.[2] Après aiçò, Demotic non es pus estat utilizat que per qualques ostraca, abonaments a de tèxts grècs, etiquetas de momias e grafitis. Lo darrièr exemple datat d'escritura demotica es un grafiti sus las parets del temple d'Isis a Philae, datat del 12 de decembre de 452. Lo tèxt dit simplament «Petise, filh de Petosiris»; non se sap qui èra Petise.[3]
Articles connèxes
Nòtas e referéncias
- ↑ Fendel, Victoria; Fendel, Victoria Beatrix Maria (2022-09-15). Coptic Interference in the Greek Letters from Egypt, p. 58. ISBN 978-0-19-286917-3.
- ↑ Haywood, John (2000). Historical atlas of the classical world, 500 BC--AD 600, p. 28. ISBN 978-0-7607-1973-2.
- ↑ Cruz Uribe, Eugene (2018-06-12). «The Last Demotic Inscription». A: Hieratic, Demotic and Greek Studies and Text Editions: Of Making Many Books There Is No End: Festschrift in Honour of Sven P. Vleeming. BRILL Cary J. Martin, Francisca A.J. Hoogendijk, Koenraad Donker van Heel (eds). ISBN 978-90-04-37753-0.
| Registre d'autoritat |
|
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
