Fosfatasa

Una fosfatasa es una classa d'enzim qu'elimina un grop fosfat de son substrat per idrolisi de l'acid fosforic monoestèr cap a l'ion fosfat e una molecula amb un grop idroxil liure; lo procès es nomenat desfosforilacion, Aquel procès es l'opausat del las proteïnas quinasas, las que jonhon de grops fosfat als sieus substrats en utilizant l'energia de l'ATP.

Un tèrç de las proteïnas de las cellulas eucariòtas son contrarotladas per la fosforilacion de forma especifica, d'un residú de serina, treonina e/o de tirosina. Lo genòma dels mamifèrs codifica environ 100 proteïnas tirosina quinasas e proteïnas tirosina fosfatasas. Lo nombre de serina/treonina quinasas es de 400 mas solament de 25 serina/treonina proteïnas fosfatasas.

Los fenomèns de fosforilacion e defosforilacion regulan la majoritat de ponches clau dels procèsses cellulars. La pèrda del contraròtle de la fosforilacion pòt aver de consequéncias fatalas coma un excès de proliferacion cellulara o la mòrt cellulara. Un ponch clau dins lo contraròtle per fosforilacion es l'especificitat del procès en un moment concrèt e en un luòc concrèt. Existisson divèrses mecanismes que garantisson aquela especificitat, coma las proteïnas reguladoras que s'associan a las fosfatasas per conferir los li especificitat de substrat, localizacion subcellulara o activacion de l'activitat enzimatica.