La Patz
La Patz es una comèdia grèga antica d'Aristofanes, producha en 421 AbC. a las Grandas Dionisias d'Atenas, ont obten lo segond prèmi.
Argument
Cinquena pèça conservada d'Aristofanes, La Patz foguèt escricha pauc après la mòrt del demagòg Cleon, partisan afogat de la guèrra contra Esparta. Aristofanes vei dins aquesta mòrt una escasença favorabla per signar una patz durable amb los adversaris grècs d'Atenas. Parla donc a la populacion de la ciutat mejans aquesta istòria assajant de mostrar, sul ton comic que li es pròpre, las doçors d'un climat pacificat.
Dins la pèça, lo vinhairon Trigèu, aclapat per las longas annadas de guèrra, se fa lo messatgièr dels pòbles grècs près dels dieus. Avent rejonh los cèls sus un corsièr insolit, s'apercep qu'aquestes foguèron desertats per las divinitats abitualas, que succediguèt l'entitat guerrièra Polemos, que projècta d'espotir las ciutas grègas. Trigèu fa tot çò que pòt per empachar aquesta catastròfa.
Sinopsi
Trigèu, un Atenian qu'es cansat de la guèrra, elevèt un bosièr per pujar e volar cap a Zèus que se li demande perque daissèt los Grècs dins la guèrra. Pasmens, i arribant, vei que los dieus son partits qu'èran en colèra contra los Grècs ; i a sonque Ermès que s'ocupe dels darrièrs preparatius. Li explica qu'ara i demora amb Polemos qu'emprisona la Patz. Polemos aparéis amb un enòrme mortièr per espotir las vilas grègas. Envia son filh Tarachos demandar un pilon als Atenians e los Epartas, e aqueste torna disent qu'an perdut lor pilon, es a dire Cleon e Brasidas qu'avián estat tuats. Alara que Polemos s'en va, Trigèu invita la Dança (lo còr), compausada dels Grècs de diferentas vilas, per liberar la Patz. Amb lor ajuda, subretot aquesta dels agricultors que patiguèron mai de consequéncias de la guèrra, capitan a liberar la Patz e tanben Opora (la culhida) e Teoria. Trigèu torna a Atenas amb Opora per l'esposar, e amb la Teoria per l'ofrir a l'Assemblada. Abans lo maridatge diferents concessionaris de las armas los visitan, e Trigèu lor dona de conseihs suls usatges que ne pòdon se far, ara que son pas mai utilas.
Nòtas e referéncias
Bibliografia
- (en) S. Douglas Olson (édition, introduction et commentaires), « Introduction », dans Aristophane, Peace, Oxford University Press, 2003, XXXV p.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
