Nintendo GameCube
La Nintendo GameCube es una consòla de videojòcs domestica de Nintendo. Foguèt lançada en Japon lo 14 de setembre de 2001 e arribèt en Euròpa lo 3 de mai de 2002.
Es lo successor de la Nintendo 64. Coma consòla de la seisena generacion, competiguèt amb la PlayStation 2 de Sony, la Dreamcast de Sega e l'Xbox de Microsoft. Ne foguèron vendudas 21,74 milions d'unitats. La GameCube foguèt seguida per la Wii en 2006.[1]
Caracteristicas
Contrarotlaire
La forma del contrarotlaire es basada sus aquel de la PlayStation e PlayStation 2. A sièis botons frontals, doas manetas analogics, una maneta direccionala, e un motor de vibracion.[2][3]
Discs
La GameCube foguèt la primièra consòla Nintendo a pas utilizar majoritàriament de cartochas o de cartas.[4] Introduguèt un format disc optic miniDVD exclusiu que pòt conténer de donadas de fins a 1,5 GB. A un sistèma de proteccion contra las còpias diferent a aquel dels discs DVD normals.[5]
Aquesta capacitat èra sufisenta per la majoritat dels jòcs, mas faguèt que qualques jòcs qu'èran tanben disponibles sus d'autras consòlas aguèsson besonh de qualques ajustaments per la version GameCube, coma l'inclusion d'un disc suplementari, una compression vidèo mai nauta, o la supression de qualques contenguts.
Enregistrament de donadas
La GameCube conten doas entradas per las Memory Cards (cartas de memòria) ont los jogaires pòdon enregistrar las donadas del jòc.
Nintendo lancèt tres opcions de Memory Cards: de 512 KB (grisa), de 2 MB (negra) e de 8 MB (blanca).[6] I aviá tanben de cartas amb de capacitats mai nautas lançadas per de tèrces.[7]
Jòcs
Mai de 600 jòcs foguèron lançats per la GameCube.
Los jòcs mai venduts ne son Super Smash Bros. Melee, Mario Kart: Double Dash!!, Super Mario Sunshine, The Legend of Zelda: The Wind Waker e Luigi's Mansion. D'autres jòcs de la consòla apreciats per la critica son Paper Mario: The Thousand-Year Door, Pikmin, Animal Crossing, Mario Smash Football, F-Zero GX, Pokémon XD: Gale of Darkness e Eternal Darkness: Sanity's Requiem.[8]
Nòtas e referéncias
- ↑ Rogers, Emily. "A Dolphin's Tale: The Story of GameCube". Dromble Media. 7 de genièr de 2014.
- ↑ Plunkett, Luke. "The Evolution of the PlayStation Control Pad". Kotaku. 28 de junh de 2011.
- ↑ England, Kyle. "The Legend of the Gamepad: A Brief History of Nintendo Consoles Told with Buttons and Joysticks". Nintendojo. 5 d'abril de 2012.
- ↑ Bonsor, Kevin. "How GameCube Works". HowStuffWorks. 4 de decembre de 2000.
- ↑ "GameCube: A Digital Wonder". IGN. 23 d'agost de 2000.
- ↑ "Nintendo GameCube Memory Card 1019". Nintendo.
- ↑ "Nintendo GameCube Accessories". Nintendo.
- ↑ "Classement des meilleures ventes de jeux GameCube dans le monde".
Istoric
Genèsi : Projècte Daufin
Lo GameCube foguèt mencionat pel primièr còp en 1998. A l'epòca, un novèl desvolopaire de jòcs vidèo, Retro Studios basat a Austin, Tèxas, anoncièt la signatura d'un contracte exclusiu amb Nintendo per produire de jòcs (lo futur Metroid Prime ) non pas sus Nintendo 64 mas sus la consòla que li succediriá.
Howard Lincoln, president de Nintendo of America, anoncièt lo desvolopament d'una consòla en collaboracion amb ATI e IBM pendent lo E3 1999. Se referiguèt alara al projècte coma Project Dolphin e parlèt d'una sortida mondiala a la fin de 2000 [1] , [2] . Çaquelà, Nintendo non bailha pas gaire d'informacions sus la consòla pendent la màger partida del an 2000, a despart de las annoncias de repòrts e de las informacions contradictòrias (per exemple, sus la question de la lectura dels DVD o de la connexion a Internet).
- ↑ . Jeuxvideo.com.
- ↑ (en anglés). IGN.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
