|
A
Say A sakey arapan ya letra diad alpabeto ya Romano. Ibabaga dan say letra et nanlapud Griegon "alpha". Say kapital a letra A natan et mipara ed "lapidary" a porma na Griego tan Romano. Naaralan na saray Griego so arte na panagsulat ed saray taga-Fenicia, a siansia nin angawat ed sayan sulat manlapud saray Semitiko. Historia
Say sankaunaan a kabkabat ya inmuunan ngaran na "A" et aleph (nisulat met ya 'aleph), say unonan letra na alpabeto na Fenicia,[1] a sigpot a konsonante (lapud satan, tatawagen met ya abjad pian nibiig itan ed tuan alpabeto). Diad kaunoran, say inmuunan ngaran na aleph et nayarin sakey a pictogram na ulo na baka diad proto-Sinaitic a manuskrito[2] ya apakiwas ed saray hieroglyph na Ehipto, a singa triangular a ulo a duaray saklor to. Sanen inampon na saray Griegon nensaman so alpabeto, anggapo so pankanawnawa dan mangusar na letra pian irerepresenta so glottal stop - say konsonante a boses ya irerepresenta na letra diad lenguahen Fenicia tan arum nin Semita - tan satan so sankaunaan a fonema na pansalita na sulat na Fenicia - kanian inusar day bersion da na tanda pian irerepresenta so bokal /a/, tan tinawag da itan ed mipara ya ngaran na alpha. Diad saray sankaunaan ya Griegon inskripsion kayari na Griegon Andukey a Panaon, nen komawalon siglo K.K.P., say letra et walad dapag to, balet diad Griegon alpabeto ed saginonor a panaon et kaslakan et mipara ed modernon capital letter, anggano dakel a lokal a klase so nayarin nibiig lapud pinatikey na sakey a sali, odino diad anggulo ya inletneg na cross line. Saray Etrusco so angawit na Griegon alpabeto ed sibilisasyon da diad Italyano a Peninsula tan ag-ira anguman ed letra. Diad saginonor et inusar na saray Romano so alpabeto na Etruscan pian isulat so lenguahen Latin, tan nansiansia so resulta ya letra diad alpabeto na Latin ya inusar ed dakel a lenguahe, kaiba lay Ingles. Saray reperensiya
|
||||||||||||||||||||||||||||||||||||||||||||||||||||||||||
