La stòria dl'Argentin-a coma nassion popolà da europengh as anandia dël 1502, còn soa dëscoerta faita da Amerigo Vespucci. Dël 1776 a l'era un viceream ëd la Spagna, ciamà Rìo de la Plata. Dël 25 ëd magg dël 1810 la colònia a l'é arvirasse contra a la Spagna e dël 9 ëd luj dël 1816 a l'era staita proclamà l'andipendensa.
Ël pais a conta 40.482.000 abitant.
Ël 25,6% ëd la popolassion a l'ha men che 15 agn; ël 10,6% pì che 65 agn.
La speransa ëd vita a l'é dë 76,6 agn.
J'argentin a son an magioransa ëd rèis europenga.
Antra le component étniche prinsipaj a-i son
Italian (35%)
Spagneuj (24%)
Tedesch
Fransèis
Anglèis
Slav
Irlandèis
Ebréo
Polonèis
Armen
Basch
Drapò dla provincia 'd Còrdoba
Argentin-a piemontèisa
An Argentin-a a-i son anviron a 4 milion ëd piemontèis. La sità 'd San Francisco, an provincia 'd Còrdoba, a l'è staita nominà capital ëd la Pampa Gringa, la Pampa Piemontèisa. Mémoria tangibil dl'emigrassion piemonteisa an costa tera a son le capele stranomà Gesiòte chacarere.
Gesiòta chacarera de San Chiaffredo de Crissolo, Estación Luxardo, Córdoba, ArgentinaVàire pais e sità argentin-e a son gemelà con borgh e sità dël Piemont. A Mendoza j'imigrà piemontèis a l'han ëmnà la coltivassion ëd la vigna.
