Catlin-a ëd Sien-a

Catlin-a a l'era nassùa dël 1347. As dis ch'a fussa la masnà nùmer 24 dël tenzior senèis Jacopo di Benincasa e ëd soa fomna Lapa.

Dël 1362 a l'é intrà ant la congregassion duminican-a dle Mantlà. Dël 1370 a intra ëd fasson definitiva ant l'órdin dle Duminican-e.

A l'é mòrta a Roma dël 1380 e sotrà ant la cesa ëd Santa Marìa dzora Minerva ëd Roma. Dël 1461 a l'é stàita canonisà da Pio II. Dël 1866 a l'é stàita nominà patron-a ëd Roma e dël 1939 ëd l'Italia. Dël 1970 a l'ha arseivù ël tìtol ëd dotorëssa dla Cesa da Pàul VI.