Lenga ossitan-a

L'Ossitan o Lenga d'Òch a l'é na lenga romanza parlà da 2 milion ëd përson-e ant Ossitània, ant le valade sud-òvest dël Piemont (vardé valade ossitan-e) e ant la Val d'Aran an Catalogna.

La lenga ossitan-a a l'é 'dcò ciamà Provensal. Costì a l'é sò nòm ëstòrich, ma provensal a l'é 'dcò 'l nòm ëd na variant ëd la lenga ossitan-a. Ossitan ëdcò a smon dij problema perchè a l'é ël nòm savant dël dialèt lengadossian; ëdcò coj ëd Piemont, sovens a son costumà a dì Nosto Modo për ciamé soa lenga. Quaidun a deuvra 'dcò la paròla fransèisa Patois, ch'a veul mach dì "dialèt", ma al di d'ancheuj a l'é considerà dëspresiativ.

A l'é parlà specialment an Fransa, ma anche Italia e Spagna.

Na division grossera dle variant regionaj dl'ossitan a peul esse costa:

• nord-ossitan: auvergnat, limosin, vivaro-alpin
• ossitan mojen: lengadossian, provensal
• gascon

L'autor pì avosà a l'é Frédéric Mistral, premi Nobel për la Literatura dël 1904, con na poesìa scrita dël 1859 dal tìtol Mirèio.

A l'ha scrivù ëdcò ël Tresor dòu Felibrige, un dissionari dla lenga d'òch ch'a conten pì che 75.000 paròle.

Në schema 'd classificassion ëd l'Ossitan a peul esse:

• lenghe indoeuropenghe
  
  • lenghe romanze
    • lenghe romanze ossidentaj
      
      • lenghe gal-romanze
        
        • lenghe ossitan-e
          

• Còdes ISO 639-1: OC
  
• Còdes ISO 639-2: OCI
  
• Còdes ISO 639-3: OCI
  

• http://www.sil.org/iso639-3/documentation.asp?id=oci