Motore a allughidura cumandada

Pro motore a allughidura cumandada (o motore a ischintidda, Spark-ignition engine in inglesu) si cumprendet unu cunvertidore de energia chìmica a energia mecànica, su cale benit alimentadu dae un'impiantu de alimentatzione e iscàrrigat sos produtos esauridos (gas de iscàrrigu) tràmite un'impiantu de iscàrrigu.

"Custu motore, naradu fintzas a tziclu Oto, funtzionat cun sa benzina, chi benit nebulizzata e ammisturada cun s'àera pro formare unu gas esplosivu. Su gas intrat in sa càmera de unu tzilindru ue benit cumpressu, posca s'allughet un'ischintidda chi lu faghet tzocare. Su motore a benzina est impreadu in sos mèdios de trasportu privadu: in sas màchinas, in sas motoreddas, in sas mototzicletas, in sas màchinas de gara e in carchi aeroplanu a èlica."

Sos motores a accensione cumandada podent èssere partidos in base a sa modalidade cun cale est cumpletadu su tziclu operativu, overas sa sutzessione periòdica de fases chi su flùidu operadore acumprit in su motore tando in:

• motores a ses tempos
• motores a bator tempos
• motore ìbridu a duos/bator tempos
• motores a duos tempos

"Motore bator tzilindros in lìnia: Su motore est assentadu dae tres alas: testada, basamentu, copa de s'ògiu. In sa testada sunt avitadas sas candelas, in su basamentu sunt ricavadas sas cannas (tzilindros) ue current sos pistones e in sa copa de s'ògiu girat s'àrbore a cuidales chi acabat a s'esternu cun su volanu."

Esistent però fintzas motòres a pulsione a allughidura cumandada comente:

• Pulsoreattore

In sos motores a allughidura cumandada benint impreados carburantes a elevadu pòdere de calore.

Impreende sa fortza de espansione dada dae su brujamentu benit ispintu unu pistone, chi pro custu s'iscòstiat trasformende s'energia tzinètica de su pistone in energia rotatoria de s'àrbore motore. In sos motores a 4 tempos, a unu tziclu de brujamentu aggualant 2 giros de s'àrbore motore, mentras in su motore a 2 tempos unu tziclu aggualat a 1 solu giru de s'àrbore motore.

In sos motores alternativos su movimentu longitudinale de su pistone si trasferit a unu cumplessu biella - àrbore motore, trasformende·si tando in movimentu rotatorio.

B'est una pluralidade de motores a brujamentu internu, in totus b'est però su si repìtere de unu tziclu termodinàmicu prètzisu:

1. aspiratzione
2. cumpressione (innalzamento de su pistone)
3.  brujamentu (e espansione) (fase ùtile)
4. iscàrrigu (espulsione de sos gas esauridos)

S'aspiratzione e s'iscàrrigu serbint pro s'iscàmbiu de sos gas e pro preparare su tziclu nou, mentras cumpressione e espansione produent sa mudadura de energia tèrmica (calore) e energia potentziale (pressione) in energia mecànica (potèntzia).

• Motore a scoppio, in negusweb.it. URL consultadu su 26 ghennàrgiu 2018 (archiviadu dae s'url originale su 28 maju 2018)., subra Motore a scoppio, in negusweb.it. URL consultadu su 26 ghennàrgiu 2018 (archiviadu dae s'url originale su 28 maju 2018)..
• Template:Thesaurus BNCF, in Template:Thesaurus BNCF Template:Thesaurus BNCF Template:Thesaurus BNCF, Template:Thesaurus BNCF Template:Thesaurus BNCF