|
Videojocu de rolu a sa giapponesa
Sos jocos de rolu a sa giapponesa, fìntzas connòttos chin su lùmen de J-RPG (Japanese role-playing game), sunt una casta de videojocos fattos in Giappone. Sos primos chi podant pertènner a custa categoria fint essìos in su cumìntzu de sos annos '80. Sa famìlia de jocos in chistiòne at a bolàre meda prus in artu chin sa essìda de sa console Famicom de Nintendo e de su primu capitulu de sa sèria populare Dragon Quest, chi at a èsser comènte unu faru pro totus sos atteros tìtulos chi dìant a bènner a pùstis, comente sa sèria de Final Fantasy. Mancàri chi in s'ala manna de Ponente custos videojocos apant fattu e sìcant a fàcher unu tzertu sutzèssu, galu oje sa prus parte de J-RPG no nch'èssit foras de su Giappone e in pacos abbèru arrìbant a s'Europa. Est a ammentàre, in prus de Dragon Quest e Final Fantay, atteros titulos de impòrtu, comente sas sèrias istòricas de Shin Megami Tensei e Fire Emblem, Xenosaga (sichidòre de Xenogears), Suikoden, Phantasy Star, Wild Arms, Tales of, Grandia, Koudelka (dae ube bènit Shadow Hearts) e medas atteras. Titulos medas non tènent sichidòre perùnu, atteros imbètzes bi l'ant, comente Vagrant Story, Phantom Brave, The Legend of Dragoon e gòi sichìnde. |
