|
Ripapelika o Roma
O le Ripapelika o Roma (Latina: Res publica Romana) o se vaitaimi i le talafaasolopito i le atunu'u o Roma.[1][2] Na amata le Ripapelika mai le fa'ato'ilaloina e le Tupu mulimuli i le tausaga 509 BC, ae gata i le tausaga 27 BC mai le fa'atuina o le Emepaea o Roma.[3][4] O le vaiaimi a le Ripapelika, na faalautele ai le pulega a Roma mai le siosiomaga lata agai i le pulega a le Metitrani atoa.[5] O le sosaiete ma aganuu a Roma, sa aofia ai vaega o tagata Italia ma Eleni. Sa sili ona lagonaina lo latou aafiaga i le lotu a Roma lea sa tutusa ai nisi o faiga ma talitonuga.[6] O faʻalapotopotoga faʻapolokiki na atiaʻe i le taimi lava e tasi e pei o le faatemokalasi tuusaʻo i Eleni anamua, faʻatasi ai ma faʻatonuga faʻaletausaga va'aia e se senate.[7] Sa iai palota i tausaga uma, ae lei moni le faatinoina e Roma talu ai le malosi o aiga mauoa e pulea galuega faapolokiki.[8] O faʻalapotopotoga a Roma na faia ni suiga tetele e faʻafetaui i faigata na feagai ma ia, e pei o le faiga oni suiga fou i le tuufaatasiga o le senate.[9] I le vaitaimi atoa o le Ripapelika, sa iai i se tulaga o se taua toetoe lava e le tumau.[5] O latou fili muamua o tagata Latina ma Italia, e oo foi i tagata Kalia (Gauls) na latou oo i le taulaga a Roma ma faua le aai i le tausaga 390 BC.[10] Ina ua uma le na faiga, na faatoilaloina e Roma le pitonu'u atoa o Italia i le seneturi e tasi ma avea ai ma malosiaga tele i le Metitirani.[11] O lona fili sili o Karefasi (Carthage), lea na ia tauina ai taua e tolu. Na faiaina Karefasi i le tausaga 202 BC, ma sefe ai loa le tulaga a Roma i totonu o le Metitirani.[12][13][14] Sa liliu loa le Ripapelika agai isi itulagi, ma tau ai tauga faigata agai ia Maketonia, Eleni, Kalia, Peresia, ma Aikupito.[15][16] I totonu o le atunuu, sa fetauai tagata mauoa e ta'u o "Patisiana" (Patricians), ma tagata lautele e tau o "Pelepeia" (Plebians), mo le fa'amoemoe e fai ma sui i faiga fa'apolokiki. Na faaiu filemu le feteenaiga lea, ma maua e tagata Pelepeia tulaga tutusa faapolokiki i le senituri 4 BC.[17][18] I tausaga mulimuli ane a le Ripapelika , mai le 133 BC, na amata na vevesi solo tagata o le atunuu, aemaise le senatoa a le malo.[4] O le vaega e tasi na taua o "Optimates" po'o tagata e le tetee, o lesi vaega na taua o "Populares" po'o tagata e tetee. O kulupu ia e lua sa vevesi i itu uma o le Ripapelika, mai le faiga a sosaiete i le faiga o le polokiti.[19][20] Sa tau foi Roma ma latou paga i Italia, talu ai sitiseni ma le pulega saua a Roma. O nei feteenaiga na fa'ateleina sauaga fa'alotoifale.[21] Na amata se taua tele fa'alemalo mai i le tausaga e 88-82 BC[22][23], ma na toe tupu foi lesi taua i le 49 BC ma i'u ai i le manumalo o Iulio Kaisara ma le kulupu tetee.[24][25] Ina ua fasiotia Kaisara i le 44 BC, na tupu ai le taua fa'alemalo mulimuli, ae gata i le avega o Aokuso ma Emeperoa o Roma i le tausaga 27 BC. O i, e gata ai le iuga o le Ripapelika, ma le amataga a le Emepaea.[3][4] fa'asinomaga
|
||||||||||||
