Габделәхәт Хәкимов

Габделәхәт Хәкимов
Туган	27 сентябрь 1950(1950-09-27) (74 яшь) Комыргуҗа авылы, Арча районы, Татарстан АССР, ССРБ
Ватандашлыгы	Россия Федерациясе
Әлма-матер	Н. Э. Бауман исемендәге Казан дәүләт ветеринария институты
Һөнәре	район башлыгы

Габделәхәт Гыйлемхан улы Хәкимов (1950 елның 27 сентябре, Комыргуҗа авылы, Арча районы, Татарстан АССР, ССРБ) — Россия муниципаль эшлеклесе. Әтнә муниципаль районы башлыгы (2005 елдан)

Габделәхәт Хәкимов 1950 елның 27 сентябрендә Татарстан АССРның Арча районы (1990 елдан Әтнә районы) Комыргуҗа авылында туа^[1]. 1970 елда хезмәт эшчәнлеген Арча районының Тукай исемендәге колхозында баш зоотехник булып башлый. 1972-1980 елларда — «Шахтер» колхозының баш зоотехнигы, рәис урынбасары, партком секретаре. 1979 елда «зоотехния» белгечлеге буенча Н. Э. Бауман исемендәге Казан дәүләт ветеринария институтын тәмамлый. 1985 елдан 1990 елга кадәр «Тукай» совхоз-техникумы директоры була.

1990—1991 елларда — Әтнә район советы рәисе. 1991 елда Әтнә районы администрациясе башлыгы итеп билгеләнә. 2005 елның октябреннән Татарстан Республикасы Әтнә муниципаль районы башлыгы — Әтнә район советы рәисе.

II чакырылыш (2000―2004) Татарстан Республикасы Дәүләт Советы депутаты.

Өйләнгән, ике кызы һәм улы бар.

• IV дәрәҗә «Ватан алдындагы казанышлары өчен» ордены^[2];
• «ТАССР төзелүгә 100 ел» медале;
• «Татарстан Республикасы алдындагы казанышлары өчен» ордены^[3];
• Татарстан Республикасының атказанган авыл хуҗалыгы хезмәткәре;
• Россия Федерациясенең атказанган авыл хуҗалыгы хезмәткәре