16 de apriłe

zenaro · febraro · marso · apriłe 2026 · majo · zugno · lujo · agosto · setenbre · otobre · novenbre · disenbre
	Me	Zi	Ve	Sa	Do	Lu	Ma	Me	Zi	Ve	Sa	Do	Lu	Ma	Me	Zi	Ve	Sa	Do	Lu	Ma	Me	Zi	Ve	Sa	Do	Lu	Ma	Me	Zi
←	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30	→

El 16 de apriłe xe el 106° dì de l'ano secondo el całendàrio gregorian e el 107° inte i ani bizesti). Par rivar al cao de l'ano ghe vołe oncora 259 dì.

Avegnimenti

69 – Vitèlio el divien inperatore roman.
73 – La fortesa ebràega de Masada ła casca par man dei romani soto Vezepazian. Fin de ła granda rivolta ebràega.
529 – El entra in vigore el Codex Iustinianus.
1055 – Consacrasion de Papa Vitore II.
1071 – Roberto el Guiscardo el concuista Bari e el fa finir el domìnio de l'Inpero bizantino in Itàlia.
1346 – Stefan Uroš IV Dušan el ze proclamà inperatore de ła Sèrbia a Skopje, co un domìnio che el ocupa granda parte dei Balcani.
1520 – Scumìsia la Rivolta dei comunerozi in Spagna contro el goerno de Carlo V.
1582 – El concuistatore spagnolo Hernando de Lerma el fonda l'insediamento de Salta in Arzentina.
1746 – Regno de Scòsia: bataja de Culloden: i jacobiti sostegnesti dai fransezei i vien sconfizesti dai inglezi guidai dal prìnsipe Gulielmo, duca de Cunberland del Casà de Hanver. Dopo la bataja, gran parte de łe tradision locałi łe taca vegner considerae tabù, e i highlands łe vien snetae dai so abitanti.
1780 – L'educatore todesco Franz Friedrich Wilhelm von Fürstenberg el fonda l'Università de Münster.
1799 – Guere napoleòneghe: bataja del monte Tabor: Napoleon el sconfize i otomani a Acri.
1814 – Firma de ła Convension de Schiarino-Risino, l'armistìsio che el fa finir el conflito armà intrà l'ezèrsito del Regno d'Itàlia al comando del vice-rè Eugenio de Beauharnais e le trupe austrìaghe del zenerałe Heinrich Johan Bełegarde.
1815 – Guera àustro-napołetana: el re de Nàpułi Gioachino Murat el ga da scanpar da Bologna, suito vegnesta ocupada da łe trupe austriaghe al comando de Johan Maria Philip Frimont.
1818 – El Senato dei Stati Unii el retìfega el Tratà de Rush–Bagot, che el limita i armaminti navali sui Grandi Laghi e sul Lago Chanplain.
1821 – A Istanbul, cavedałe de l'Inpero otoman, i vien copai na miłiada de greghi, intrà i cuałi el metropułita ortodoso Gregòrio V.
1856 – A Parize, al finire ła Guera de Crimea, se fa ła conferensa de paze intrà la Rùsia e Regno Unio, Fransa, Regno de Sardegna e Inpero otoman. Primo suceso diplomàtego del Conte de Cavour.
1862
- Bataja de Lee's Mills in Virginia.
- Inte el distreto de Colunbia vien firmà l'Ato de Emancipasion Conpansada, che el fa finir a ła [[Schiavitù inte i Stai Unii d'Amèrica|s-ciavitù]] inte ła rejon.
1863 – A Vicksburg, durante l'omònema canpagna, le caniere guidae dal merajo de l'Union David Dixon Porter i ghea desfà na partia de artejaria confederada.
1910 – Verze al pùblego la Boston Arena (deso Mathews Arena), el primo stàdio da hockey su jaso al cuerto oncora uncó doparà inte i sport.
1914 – A Siracusa vien fora Agamenone de Eschilo. Ła ze ła prima edision de łe raprezentasion clàseghe al teatro grego organizae da l'Istituto nasionałe del drama antigo
1917
- Vladimir Lenin torna a Pietrogrado da l'ezìlio par pareciar la Rivołusion d'otobre.
- L'ezèrsito franseze parte co l'Ofensiva Nivelle.
1919 – India: Gandhi el organiza un dì de preghiera e de astension da laoro dopo el Masacro de l'Amritsar conpiesto tre dì prima.
1938 – Firma dei Acordi de Pàscua intrà Gran Bretagna e Itàlia che i confermava el Gentlemen's agreement del 1937, che i metea fin ai contrasti inte łe pułìteghe medio-orientali dei do paezi e i garantia la lìbara dispunibilità al pasajo inte el Lago Tana e inte el Canałe de Suez.
1941 – Seconda guera mondiale, bataja del convojo Tarigo: in Tunizia un convojo navałe Italian, el Duisburg, dirizesto in Libia, a łe 02:20 de ła matina el ze sta atacà da na scuadra navałe ingleze. Nisuna nave Italiana ła se salva, negai anca i caciatorpedinieri Italiani Lanpo, Luca Tarigo, Baleno e el caciatorpediniero inglezo HMS Mohawk (F31) co cuatro nave da trasporto inglezi.
1943 – Albert Hofman descuerze i efeti ałuzenòzeni de l'LSD (Lizèrzego acetil-dietilamide o àsido lizèrzego).
1945 – I Aliai i costrenze miłe sitadini de Weimar a ndar védar el Canpo de consentramento de Buchenwald.
1947
- Bernard Baruch el crea el tèrmano "Guera freda" par dirghe a łe relasion diplomàteghe intrà Stai Unii e Union Soviètega.
- Dezastro de Texas City: Inte el porto de Texas City vien fora na tremenda esplozion cauzada da l'incendio de l'inbarcasion franseza SS Grandcanp cargada de nitrato de amònio. L'esplosion dopo l'inséndio ła vegnarà sentia inte el rajo de 150 meja e ła farà almanco 576 morti, de cui 178 non identìfegati.
- El criminałe nasista Rudolf Höß viene inpicà davanti a l'ingreso del crematorio de Auschwitz.
1964 – Nei EMI Studios de Londra i Beatles i rezistra A Hard Day's Night, uno dei so primi singułi a ver on grando suceso.
1971 – I Rolling Stones i pùblega in Gran Bretagna el sìngolo Brown Sugar che in poche stimane el riva ai primi posti de łe clasìfeghe muzicali nasionali e internasionali.
1972
- NASA/Programa Apoło: l'Apoło 16 vien lansà verso la Luna da ła base de Cape Canaveral, in Florida.
- Guera del Vietnam: Ofensiva de Nguyen Hue – De fronte a l'ofensiva nordvietnamita i USA i taca da novo i bonbardamenti su Hani e Haiphong.
1973 – Rogo de Primavałe: Roma, un grupo de Potere Operaio fato da Manlio Griło, Marino Clavo e Achiłe Loło el inséndia na caza inte el cuartiero Primavalle, copando i fradełi, fiołi del segretàrio de ła locałe sesion del Movimento Sociałe Italian Mario Matei.
1975 – Milan, un grupo de manifezstanti de sanca el vien atacà co i zera drio tornar da un corteo da dei neofasisti. Uno de sti cuà Antonio Braglione, el tira racuanti s-ciopi de rivolteła copando Claudio Varalli.
1977 – L'Apple II viene prezentà al pùblego inte el primo Wezet Coast Conputer Faire.
1988 – Forlì, el senator democristian e esperto in riforme istitusionali Roberto Rufilli el vien copà, in caza soa, da łe Brigae Rose, Inte el dezenałe dal sasin de Aldo Moro.
1990 – Nepal, el re Birendra Bir Bikram Shah Dev el desfa l'Asenblea nasionałe par formar un parlamento democràtego.
1995 – Pakistan, el sindacałista tèsile tredezene Icbal Masih el vien copà.
2003
- Atene/Union eoropea: ventisìncue paezi i firma el Tratà de Atene che el prevede el slargamento de l'Union Eoropea.
- Guera in Iraq: concuistada Tikrit da parte de łe forse de ła coałision, ma de Sadam Hussein no se sa gnente. In man a aleada anca Mosul e Kirkuk; i posi petrołìfari i ze viziłai par prevegner insendi cofà inte el 1991.
2007 – Stai Unii, Masacro al Virginia Polytechnic Institute, a Blacksburg, Virginia.
2013 – Nizèria. taca a Baga un masacro par man del grupo terorista islàmego Boko Haram, che el farà almanco 200 morti intrà i sivili e la distrusion de tante caze.
2016 – Un dezastrante teremoto el smove l'Ecuador.