Acelerasion

L'acelerasion ła rapresènta ła variasion de vełosità posidiva o negadiva inte ła unidà de tenpo. (Cò te parlito de acelerasion negadiva nò xe intexo, che el corpo in cuèstion, el stia nesesariamènte rałentando, ma cuàłora łe sian negadive sia l'acelerasion sia ła vełosità gàvaremo cofà rixultante l'aumènto (sepùr negadivo) de ła vełosità del corpo)

L'acelerasion ła pol esar descria cofà:

• acelerasion media: raporto tra ła variasion de vełosità ${\displaystyle \Delta {\vec {v}}={\vec {v}}_{2}-{\vec {v}}_{1}}$ e l'intervało finìo de tenpo ${\displaystyle \Delta t}$

${\displaystyle {\vec {a}}={\frac {{\vec {v}}_{2}-{\vec {v}}_{1}}{t_{2}-t_{1}}}={\frac {\Delta {\vec {v}}}{\Delta t}}}$

• acelerasion istantanea: limide pa' l'intervało de tenpo tendènte a xero del raporto che definise l'acelerasion media, o sia derivà de a vełosità rispeto al tenpo, o sia ła derivà seconda de ła poxision rispeto al tenpo:

${\displaystyle {\vec {a}}={\frac {d{\vec {v}}}{dt}}={\frac {d^{2}{\vec {s}}}{dt^{2}}}}$

andove ${\displaystyle {\vec {s}}}$ xe el vetor spostamènto.

Esendo ła vełosità na grandèxa vetoriałe, anca l'acelerasion ła rixulta esar na grandèxa vetoriałe.

Inte el caxo de moto retiłineo (monodimènsionałe), anca el vetor acelerasion xe monodimènsionałe.

Inte el caxo de moto zircołar unifòrme, el vetor acelerasion xe radiałe, o sia perpendicołare a ła traietoria zircołare. Cuèsto vałe anca inte el caxo pì xenèrałe de na traietoria curviłinea cuałuncue andove par individuarne ła diresion e el vèrso se utiłixa el metodo del zercio oscułator. In sinbołi:

${\displaystyle a={\frac {v^{2}}{r}}}$

Inte el sistema internasionałe de unidà de mexura l'acelerasion ła se esprime in m/s². Sovènte xe anca espresa in g, andove un g raprexenta l'acelerasion de gravidà terestre che ła xe pari a sirca 9,81 m/s².

• Wikimedia Commons el detien imàjini o altri file so acelerasion