Agrume

Col tèrmano agrumi a se intende łe piante cultivae apartegnenti al zènaro Citrus de ła sotofameja de łe Aurantioideae (fameja de łe Rutaceae) e i so fruti.

Ła sotofameja ła ciapa drento spece definie e stàbiłi ma anca on mùcio de varietà e mutasion nadurałi, inte ła infioresensa cofà inte i fruti, par sta motivasion se ghe połe catar inte el mondo vàrie sorte de agrumi. Par de pì, ze stai sviłupai tanti ìbridi, racuanti dei cuałi co caratarìsteghe che no łe ze durévołe e par sta motivasion łe połe èsar catae sol marcà solché par tenpi relativamente curti.

Ła orìzane de tuti i Citrus ła ze l'India e l'Estremo Oriente. Uncó i agrumi i crese spontaneamente anca in Indonèzia, Malayzia, Nova Guinea e inte łe Fiłipine. Le vàrie spece łe ze rivae inte ła Eoropa in tenpi difarenti. Pararia che ła prima a èsar rivada ła sìpia ła limonara, ben conosesta ai antighi Romani cofà pomo de Pèrsia. Ghe ze documentasion che costori za i conosese inte el I secolo anca el limon e ła naransa amara, ma łe ze stae cultivae inte el Mar Mediteràneo solché inte el X secolo dai Saraceni. La cultivasion del naransaro dolse ła ze stada introduzesta dai Portoghezi inte el XVI secolo, e ła riva al XIX secolo par ver anca el mandarinaro. I agrumi uncó i ze largamente cultivai in tuti i continenti inte łe zone tenprerae e subtropegałi.

• Wikisionàrio el detien el lema de gałepin «agrume»
• Wikimedia Commons el detien imàjini o altri file so agrume

• Effects of pollination on Citrus plants Archivià il 25 de febraro 2017 in Internet Archive. Pollination of Citrus by Honey Bees
• Citrus Research and Education Center of IFAS (largest citrus research center in world)
• Citrus Variety Collection by the University of California
• Citrus (Mark Rieger, Professor of Horticulture, University of Georgia)
• Fundecitrus – Fund for Citrus Plant Protection is an organization of citrus Brazilian producers and processors.
• Citrus – taxonomy fruit anatomy at GeoChemBio
• Porcher Michel H., Multilingual Multiscript Plant Name Database (M.M.P.N.D)  – A Work in Progress, School of Agriculture and Food Systems, Faculty of Land & Food Resources, The University of Melbourne. Australia, 1995.