Autostrada

Na autostrada ła xe na strada dixegnada par ła sircołasion a granda vełosità de tanti veìcołi. Ła prima autostrada de ła istòria ła se ga vedesta far inte ła Repùblega de Waimar en el ano 1932^[1].
Cheło che destìngue na autostrada da chełe altre strade el xe:

• On mìnemo de do corsie par senso de marsa;
• Tochi łaterałi cusita se calchedun veìcoło ghese problemi łà el połe sostar;
• Curve poco marcae;
• Intersesion a difarenti łivełi, sensa incroxi;
• Carejae separae par ogni senso;

I łìmiti de vełosità i xe xeneralmente pì alti respeto a chełi de łe strade de viabiłità ordenària.

In calche nasion xe par de pì prevedesto anca on lìmite mìnemo de vełosità da rispetar, par evitar cołone e ingorghi.

El cołor de ła segnałètega stradałe doparada drio de łe autostrade (i sìpia chełi de segnałètega vertegałe e i sìpia anca chełi de łe insegne chiłomètreghe) łe vària de Stato in Stato. In calche caxo el cołore de ła segnałètega ła se difarénsia da cheło de ła viabiłità ordenària (cofà cheło che suçede in Itàlia, andove ła segnałètega autostradałe ła xe de cołore verdo e cheło de łe strade extraorbane ła xe blù, o cofà in Fransa andove che suçede conpagno ma co i cołori invertii) o in altri caxi andove invese ła segnałètega ła resta conpagna in tute łe strade (cofà in tei Stati Unii, andove ła segnalètega vertegałe ła ga sfondo verdo); in ogni caxo ła Convension de Viena so ła segnałètega stradałe ła prevede esplegamente che ła segnałètega de diresion e pre-avixo par łe autostrade ła gàpia scrite e sìnbołi bianchi so fondo blù o verdo.^[2]

Se tegna prexente che i Stati che no ga aderio a ła Convension de Viena i połe prevédare dei sìnbiłi difarenti e no far destingui intrà autostrade e strade de viabiłità ordenària.^[3]

• Autostrade in Itàlia

1. ↑ (DE) Die Welt, welt.de, 6 de agosto del 2007, http://www.welt.de/welt_print/article1083209/Eine-Legende-aus-Beton.html Titolo mancante par url url (juto). Entrada il 31 de xenaro del 2013. Parametro sconosesto títolo ignorà (juto)
2. ↑ Ałigà 1 de ła Convension-sesion G-paràgrafo I-articoło 3.
3. ↑ Par exenpio el Japon el dòpara el segnałe par segnałar ła entrada inte na autostrada
4. ↑ ^{4,0 4,1} Il Belxo i segnałi drento a łe autostrade i ga cołor blù, chełi invese fora da łe autostrade i xe verdi. In ogni caxo i segnałi de scumìsio e fin de l'autostrada i ga sfondo blù.
5. ↑ In st'ùltemo solché cofà indegasion par autostrade foreste, dato che no ghe xe autostrade in Liechtenstein.

• Wikimedia Commons el detien imàjini o altri file so Autostrada
• Scholia el detien schemi gràfeghi so Autostrada