Basin de San Marco
 Basin de San Marco | ||
| ||
| Dati | ||
|---|---|---|
| Sorte | Corpo de àcua  | |
| Parte de | Łaguna de Venesia | |
| Pozision | ||
| Rejon aministrativa | Venèsia (Itàlia) | |
45°25′46.2″N 12°20′42″E | ||
|
| ||
El Basin de San Marco el ze, a Venesia, el spasio de acua che'l se cata davanti piasa San Marco, conprezo intrà i canałi de'l Lido, de ła Giudeca e el Canal Grando: A se afasa, oltra al moło de ła Piaseta (co ła mołe de Pałaso Dogal, łe cołone de San Marco e San Todaro e łe fasàe de ła Biblioteca Marciana, ła Riva dei Sciavoni (co ła regoroza fasada de łe Prezon), l'ìzoła de San Zorzi Mazor (co ła bazéłega e el monastièr) e ła Ponta de ła Dogana, co ła so Bała d'oro.
El basin, co un fondal màsemo de sìrca 12 m, el ze regołarmente atraversà da łe grande navi in intràda e in insìda da'l porto, al sentro, do boe grande de armizo łe ze reservàe a l'atraco de onór, spesialménte par el navìlio miłitar.
Spetacołar ła partensa de ła Vogałonga che ła avien, daspò el clàsego colpo de canon propio davanti a Piasa San Marco.
Na straje dezmentegada: l'afondamento de ła motonave Venesia-Fuzina inte'l basin de San Marco
El 14 de agosto 1944 A ga avuo łògo el primo bonbardamento so'l sentro stòrego de Venesia a òpara de tre bonbardieri che daspò aver mitrałià ła zona de Małamoco zmagiàndo na motonave de ła łinea Venesia-Cioza (epizodio inte'l cuało A ze moriste 24 parsone), el s'a direto verso el Basin de San Marco: che, tra ła pònta de ła dogana e l'ìzoła de San Zorzi, gera ormizada ła nave ospeàl todésca Freiburg, vero fin de tuta ła misión. I Ałeài, dopo un primo tentativo de colpir el bersàgio destacàndo cuatro bonbe che - anpò - łe ze riusìe soło a rovinàr alcuni monumenti co'l spostamento d'aria simentà da st'altre, i gà tacà a mitrałiar in diresion de'l fin. El bersagio el ze stà colpìo e infrà łe parsone a bordo (in chel momento ła nave no ła ospitava ferìi), ghe ze stài un morto e ùndeze ferìi, ma inte'l steso momento A zera drìo pasàr łà visin na motonave de ła łinea Venesia-Fuzina che ła trasportava numarozi siviłi direti in canpanja par sercar cibo. Łe rebufàe de metràgia łe gà colpìo anca ła motonave infrà i pasezeri de ła cuała, a ła fine A se gà contà 15 morti e 50 ferìi. 'Sti qua che segue drioman i ze i nomi de łe vìteme: Carbon Ada, Carter Umberto, Davanzo Luigia, Esposto Maria, Ghezzo Amerigo, Maestrello Silvana, Mistro Domenico, Munerati Augusto, Nart Emilio, Riccione Gaetano, Rioda Adriana, Rossetto Alba, Scalabrin Oreste, Scarpa Emilio e un serto Giuseppe abitante a Sant'Ełena.
Gałeria de someje
-
Venesia vedesta da l'alto -
Bacino di San Marco și Piazza San Marco văzute din clopotnița Bazilicii San Giorgio Maggiore -
-
Basin de San Marco dezenjà da'l Canaletto
_-_Venezia_-_Veduta_dall%27alto.jpg)
_Canaletto_-_Wells-Next-The-Sea,_The_Earl_of_Leicester_and_Trustees_of_the_Holkham_Estate.jpg)
Altri progeti
Wikimedia Commons el detien imàjini o altri file so Basin de San Marco
el detien schemi gràfeghi so
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
