Botànega

La botànega la ze la dissiplina de la biołogia che la studia le forme de vita del mondo vegetal (la flora), drio la so anatomia, fisiologia, classificaẑion e ecologia. I organismi pi conplesi studiadi da la botanica i costituisse al regno de le piante (o Plantae). Par al passà tut quel che no se considerea animal al era reputà "pianta", "vegetal". Dess, solche i organismi pluricelulari autotrofi i gnen consideradi part del regno de le piante: i altri i ze assegnadi a i regni Monera, Protista o Fonch. Al primo studioss cognossest del mondo vegetal al ze stat Teofrasto (371 a.C. - 286 a.C.) che al ga descrivest pi de ẑinqueẑento piante e el so uso medesinal. Pì tardi Discoride (De Materia Medica) e Plinio il vecchio (I° sec. d.C.) i ga scrit opere fondamentai par la conossienẑa del regno vegetal. In particolar inte el secondo de la so 'Naturalis Historia, enciclopedia sientifica in 37 libri, al ga binà le conossienẑe del epoca, tramite la letura de de pì de 2000 opere. Na bona part de la so ricerca (libri 12-19) la era specificamente dedicada a le piante e a le so qualità oficinai. La 'Naturalis Historia la ga costituì al conpendio de riferimento de la botanica, e no solche de quela, infin al epoca del rinassiment. Inte la seconda metà del XVI secolo la botanica la se ga piaẑà definitivamente intrà le altre sienẑe co la nassita dei primi ort botanici e co le prime racolte sistemàteghe de piante secade. Ma solche inte el seteẑento co la fegura fondamental del botànego svedexe Carl von Linné (Råshult 1707 - Uppsala 1778), pì comunemente cognossest come Carlo Linneo, ze gnest a sviluparse na vera e propia riçerca sientìfega su el mondo vegetal, co un reguardo particolar a la classificaẑion de le piante. De el 1735 co el opera Systema naturae, Linneo al ga esponest par la prima olta i so criteri de classificaẑion tassonomica dei regni animal, vegetal e mineral. La opera che ga influenẑà pi de tut i botàneghi la ze stata la Philosophia botanica, publicada del 1751. Inte sta qua Linneo al disea che le specie vegetai, da' che le fea part del progeto divin del creà, le podea èsar clasifegà secont an sistema fiss fondà su le so carateristiche: al zera prasiò posìbiłe ricostruir le relaẑion interne e le diferenẑe tra sort, specie, generi, òrdeni e clasi. A partir da sta regola tassonomica, Linneo al ga scominẑià a doperar la nomencladura binomial, secont la qual ogni esser vivente al podea esser identificà e descrivest a cognosserghen solche el genere e la specie, e inveẑe prim ghe olea doperar perifrasi inposìbiłi da cenerse a mente. Sto sistema de classificaẑion, rivardà e agiornà, al costituiss oncora dess al fondament de la classificaẑion del regno vegetal (e no solche quel). In seguito altri studiosi i ga introdusest novi generi e specie e, endo da difarenti ficarli da quei stabilidi da Linneo, se ga decidest de dontar al bionomio latin anca la sigla del nome del naturalista che al lo ga inventà; par Linneo la létara ele majuscola: L.