Breaking Bad
.svg){kind=small}
Breaking Bad ła ze na serie tełeviziva de i Stati Unii, nasùa da na idèa de Vince Gilligan e pasà da l’emittente vìa cavo AMC da’l 20 de zenaro 2008 a’l 29 de setenbre 2013.
Trama
Walter White el ze un profasore de chìmega de Albuquerque inte’l Novo Mèsego,el vive co ła mojer Skyler, insinta de’l secondo puteło e co’l fìoło Walter "Flynn" Junior, inmałatà da na parałezi a’l sarveło, che A ghe dà problemi de łinguajo e che ło costrinze a dover doparare łe stanpełe par móvarse. Rente ła soja de i sincuanta ani, co problemi econòmeghi e n’altro fìoło che ga da nàsare, Walter el se vede costreto a catarse un secondo làoro cofà dipendente inte’n autołavajo. In pì A ghe se zonta na insodesfasion granda ben parché el ga da soportare łe angherie de’l so paron, de i so amighi e famejari, che i ło vede cofà un bon da njente. Soratuto so conjà Hank, un ajente de ła DEA, che no’l perde na ocazion par métare a confronto ła beła vita che’l gà co coeła dizastrà ben de Walter.
Cuando a Walter ghe vien catà un cancro inte i polmuni, ghe casca indoso el mondo intiero. Parò, dopo l’incontro cazuałe co Jesse Pinkman, un so ex studente devenjùo spaciadore de poco conto, Walter deside de métarse a cuzinare metanfetamina. El prodoto de Walter, viste łe so conosense de chìmega ,el rizulta èsar mejo asè respeto a coeło de ła concorensa, co na puresa de’l 99,1%.
A’l deside cuindi de sfrutare łe so capasità par ciapare el controło de’l marcà de ła droga.
Epizodi
| Stajon | Episodi | Prima TV USA | Prima TV Itałia |
|---|---|---|---|
| Prima stajon | 7 | 2008 | 2008 |
| Seconda stajon | 13 | 2009 | 2010 |
| Tersa stajon | 13 | 2010 | 2011 |
| Cuarta stajon | 13 | 2011 | 2012 |
| Cuinta stajon | 16 | 2012-2013 | 2013 |
Parsonaji
- Walter White (stagioni 1-5), intarpretà da Bryan Cranston.
- Jesse Pinkman (stajon 1-5), intarpretà da Aaron Paul.
- Skyler White (stajon 1-5), intarpretada da Anna Gunn.
- Hank Schrader (stajon 1-5), intarpretà da Dean Norris.
- Marie Schrader (stajon 1-5), intarpretada da Betsy Brandt.
- Walter White Jr. / Flynn (stajon 1-5), intarpretà da RJ Mitte.
- Saul Goodman (stajon 2-5), intarpretà da Bob Odenkirk.
- Gustavo "Gus" Fring (stajon 2-4), intarpretà da Giancarlo Esposito.
- Mike Ehrmantraut (stajon 2-5), intarpretà da Jonathan Banks.
- Lydia Rodarte-Quayle (stajon 5), intarpretada da Laura Fraser.
- Todd Alquist (stajon 5), intarpretà da Jesse Plemons.
Critega e premi
Ła serie ła ga risevùo óteme recension da parte de ła crìtega, soratuto par ła senejadura, ła rejìa e łe intarpretasion de i atori prensipałi. Inte’l 2013 el Writers Guild of America el ga nomenà Breaking Bad cofà ła tredasézema serie mejo scrivesta de tuti i tinpi. Senpre inte’l steso ano, Guinnes World Records ła ga nomenà cofà ła serie co ła pì alta vałutasion de tuti i tinpi, portando de ezenpio ła cuinta stajon co’l puntejo de 99/100 secondo Metacritic. A ga vinto anca racuanti premi : 16 Emmy Award, 8 Satellite Award, 12 Saturn Award, 6 WGA Award, 5 TCA Award, 2 Golden Globe, 3 Screen Actors Guild Award, 1 PGA Award, 2 DGA Award e 6 Critics’ Choice Television Award. In Itałia A ze stà pasà in prima vizion so’l canałe satełetare AXN da’l 15 de novenbre 2008 a’l 9 novenbre 2013 e da’l 2010 in ciaro so Rai 4.
Cołegaminti esterni
- (EN) Sito ofisałeamctv.com.
Altri projeti
Wikimedia Commons el detien imàjini o altri file so Breaking Bad
el detien schemi gràfeghi so
| Controło de autorità | VIAF (EN) 259201274 · LCCN (EN) n2012026114 · GND (DE) 1024517357 · BNF (FR) cb16963580c (data) · BNE (ES) XX5406657 (data) · WorldCat Identities (EN) n2012-026114 |
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
