Capano

Sta voxe xe orfagna, o sia privada de lighi in entrada da altre voxe Inserìsaghene inmanco uno pertinente e cava l'avixo.

Co el nome capano se definiss an anbjente creà aposta par crear an microclima aonde poder far cresser mejo pjante e fjor che no ze 'te el so habitat natural. Esiste capani refrigeradi (rari), capani scaldadi e capani che se scalda de so posta sfrutando al efeto sèra.

I capani i pol er na strutura de fer, de legn, de aluminio o de cimento (te i primi prototipi), e le ze serade co materjal trasparente come telo, plexyglass o vjero. Al quert al ze spjovente a una o do falde, o senò al pol esser tondo. Se al capano al ze vert su qualchedun dei lati al ciapa al nome de tunnel. An capano al pol essere dotà anca de luce artificial, finestre e dispositivi manuai o eletronici par al controlo de la umidità, de la tenperatura e de la luce.

Al orjentamento mejo al ze est-ovest co i ragi del Sol che i traversa al rivestimento fando al interno al "efeto sèra": i ragi i gnen assorbidi da le pjante e da la copertura del capano, aonde che i gnen trategnesti scaldando al anbjente.

I capani i ze dividesti in diverse categorie secont la tenperatura che se ol donder al so interno e secondo altre carateristiche.

Tanti i ze i criteri de classificasjon; quei pì doperadi i ze i seguenti:
Cenendo cont le el indiriso coltural, i capani i se ragrupa in:

1. Capani de propagasjon o moltiplicasjon. Se i dopera par la radicasion de pjante da fjor e da fruto.
2. Capani de forsadura o coltivasione. Se i dopera par la coltivasion de pjante da foja e da fjor.
3. Capani destinadi a colture ordinarie. Si i dopera par la coltivasion de pjante da ort.

Cenendo cont del numero de le canpade, i capani se i ragrupa in:

1. Capani singoi o isoladi. I ze capani co na unica canpada.
2. Capani acopjadi o gemeladi. I ze capani a canpada dopja sensa parete divisorja.
3. Capani multipli. I ze capani a bateria.

Cenendo cont de la possibilità de spostament, i capani se i ragrupa in:

1. Capani fissi. Comunemente de cimento, acciajo/legno/fer, vjero/PVC/PE
2. Capani mobili. I ze capani facili da montar e smontar.
3. Capani scorevoi. In fase de studjo.

Cenendo cont del substrato doperà, i capani se i ragrupa in:

1. Capani normai. I ze capani te i quai se dopera tera comune come substrato.
2. Capani idroponici. I ze capani te i quai se dopera come substrato an materjal inerte, poroso, sterile, che se el fa traversar da na solusion nutritiva pareciada prim. Par esenpjo: vermicolite, perlite, pomice, croda vulcanica.

Cenendo cont de la presensa e de la tipologia de l'inpjanto de climatizasjon, i capani se i ragrupa in:

1. Capani fredi. No climatizadi.
2. Capani tenperadi. I ze capani boni de mancener costantemente na tenperatura tra i 10 °C e i 14 °C te le ore noturne.
3. Capani caldi. I ze capani in grado de mancener la tenperatura noturna tra i 16 °C e i 20 °C.

• Giardinagio
• Floricoltura
• Efeto sèra te l'atmosfera terestre

• Wikimedia Commons el detien imàjini o altri file so Capano