Carmine Crocco

Carmine Crocco, dito Donatello (Rionero in Vulture, 5 de zugno 1830 - Portoferraio, 18 de zugno 1905), xe stà un brigante itałian.

Esperto de guerilia e soranominà "Napoleon dei briganti", el xe considerà dai storeghi un dei banditi pì temù e rispetà de l'Otosento. Personajo anbiguo del Risorgimento itałian, da qualcun considerà on senplice bandito, da altri on eroe popołar.

Nato inte na fameja povera, dopo ver abandonà l'exercito borbonico par aver coméso un omicidio el se unise a ła Spedision de Garibaldi inte ła speransa de riçever ła grasia ma el vien arestà. Crocco vien libarà par ła fameja Fortunato, fedel a el re Borbon, e el deventà el cao de ła reasion contro el goerno de Caxa Savoja in Baxiłicata, la region pì colpì da el brigantajo.

Meso a ła testa de un exersito conposto da sirca 2 000 uomini, Crocco el ga conquistà e sachegià squasi tuta la Baxiłicata e parte de l'Irpinia e Puia. Dopo 4 anni de latitansa, tradì da el suo logotenénte Giuseppe Caruso che ga colaborà co łe autorità e romai conpletamente sircondà da l'exercito itałian, el se ga rifugià inte el Stato Pontefiso ma el xe stà arestà dai soldà de Pio IX.

Dopo la ciapada de Roma, Crocco xe sta portà a Potensa par eser condanà a morte e po a l'ergastolo. El xe morto inte el carcere de Portoferraio, in Toscana.

• Il brigante Carmine Crocco, dei Musicanova
• Quistione Meridionale, del Canzoniere Grecanico Salentino

• L'eredità della priora (1980), de Anton Giulio Majano
• o' Re (1989), de Luigi Magni
• Li chiamarono... briganti! (1999), de Pasquale Squitieri
• Il generale dei briganti! (2011), de Paolo Poeti

• Brigantajo
• Banditismo
• Risorgimento

• Sito dedicà a Carmine Crocco Archivià il 14 de febraro 2012 in Internet Archive.

• Wikimedia Commons el detien imàjini o altri file so Carmine Crocco
• Scholia el detien schemi gràfeghi so Carmine Crocco