Cartismo

El Cartismo xe stà un movimento połìtego-sociałe, britanego, prevałentemente de omeni de ła working-class, el cui nome derivava da ła People's Charter ("Carta del Popoło") prexentada inte el 1838 a ła Camara dei Comuni co na petision firmada da oltre un miłione de persone. El movimento jera organixà da Feargus O'Connor, avocato de orìxeni irlandexi.

El documento, artegołà in sìe ponti, el rivendicava:

1. el voto garantìo ad ogni mascio de vintùn ani, sano de mente e mai condanà;
2. el voto segreto par proteger l'ełetor inte l'exercisio del so derìto de voto;
3. nisun obligo de propietà inte ła cuałifegasion par concorer ad èsar menbro del Parlamento.
4. l'indenità parlamentar, par consentir a tuti i łaoradori de servir el Stato sensa èsar penałixài economegamente;
5. ła revixion de łe sircoscrision ełetorałi, che segurase ła stesa quantità de raprexentanti e un nùmaro guałìvo de ełetori;^[1]
6. el Parlamento Anuałe, che costituiva el metodo pì eficase contro el ricato e łe intimidasion.

Ła petision xe stà da novo prexentà inte el 1842 co pì de tre miłion de firme.

El mancà acoglimento ga daxesto łogo a diverse manifestasion, che xe sciopà anca in gravi caxi de sangue.

Sucesivamente el movimento xe andà perdendo forsa, sia el raxonximento de na maxor prosperitò, sia par łe reforme atuàe tra el 1867 e el 1884, soratuto el Ballot Act del 1872, che ghe n'a risevesto de fato gran parte de łe rechieste.

L'eredità del cartismo ga confluìo donca inte el movimento sociałista, de cui gaveva antisipaà alcuni ełementi come ła teoria del plusvałor.

1. ↑ Rimanevano oncora i "pocket boroughs", soppressi solo inte el 1872.

• John Frost (Cartista)