Całor spesifego

Sta voxe de siense xe orfagna, o sia privada de lighi in entrada da altre voxe Inserìsaghene inmanco uno pertinente e cava l'avixo.

Al całor spesifego de na sostanẑa al ze definì come la quantità de całor necessaria par aumentar de 1 Kelvin la tenperatura de na unità de massa (de solito an gramo o an chiłogramo) del material. Na grandeẑa analoga la ze al calor specifico mołar definì come la quantità de calor necessaria par aumentar de 1 K la tenperatura de na mołe de matereial. Esiste do modi par esprimer al calor specifico par al stato aeriforme: al calor specifico a presion costante (C_p), e el calor specifico a volume costante (C_v). Se par la materia in fase condensada C_p e C_v i ze praticamente coincidenti, par an aeriforme, inveẑce, al calor specifico a presion costante al ze diferente da quel a vołume costante par al laoro de espansion. Al teorema de partiẑion conpagna de la energia al fa sì che se pode calcolar facilmente al calor specifico de un gas co un conportamento ideal, su basi de mecanica classica. La łege de Dulong Petit ła stabilise clasicamente che al calor specifico mołar de tuti i solidi al ze al isteso , indipendentemente da la tenperatura.

Al calor specifico al dipende da la natura chimica de la sostanẑa considerada e da la tenperatura. Se pol considerarlo costante solche par variaẑion cee de tenperatura e distante da le tenperature de transision de faxe. Brusche variaẑion del calor specifico difati le gnen ciapade come indice de na transiẑion de fase solido-liquido, liquido-vapor e anca transiẑion cristaline o transiẑion struturai de na mołecoła.

Anca se par scopi pràteghi sta definiẑion la ze precisa assei, dal punto de vista teorico se trata solche de na aprossimaẑion parchè in realtà al calor specifico al dipende da la tenperatura.

Par na trataẑion mejo se pol basarse su la capacità termica e definir al calor specifico come la capacità termica par unità de masa.

Inte el Sistema internaẑional la unità de mesura del calore specifico la ze al J / (kg × K); inte el Sistema tecnico ze kcal / (kg × °C).

Al aqua a 15 °C la ga an calor specifico de 1 cal / (g × °C) e al alcool etiłico de 0,581 cal / (g × °C).

Al calor specifico a presion costante e vołume costante i gnen definidi a partir da la entalpia e da la energia interna. Da ste definiẑion a se ricava do relaẑion bone par qualunque fluido:

Par ła energia interna:

${\displaystyle \operatorname {U} =m\cdot c_{v}\cdot \Delta T}$,

aonde che:

• ${\displaystyle m}$:la ze la massa (kg) de fluido coinvolgesta
• ${\displaystyle \Delta T}$: la ze la variaẑion de tenperatura (K).
• ${\displaystyle c_{v}}$: al ze al calor specifico a volume costante.

E par la entalpia:

${\displaystyle \operatorname {H} =m\cdot c_{p}\cdot \Delta T}$.

Ẑerti testi de fisica, co manco rigor, i definiss la energia interna e la entalpia co ste relaẑion, a partirda i calor specifici, che inveẑe i ze definidi da ste do grandeẑe.

Sostanẑa	Stato	Calor specifico J·kg−1·K−1
Aria (seca)	gassos	1005
Aria (100% umidità)	gassos	~ 1030
Aluminio	solido	880
Beriłio	solido	1824
Oton	solido	377
Ran	solido	385
Diamante	solido	502
Alcool etiłico	liquido	2460
Oro	solido	129
Grafite	solido	720
Ełio	gassos	5190
Idrogeno	gassos	14300
Fer	solido	444
Litio	solido	3582
Mercurio	liquido	139
Axoto	gassos	1042
Ojo	łìquido	~ 2000
Ossigeno	gassos	920
Siłice (fondest)	solido	703
Siłice	gassos	2020
Aqua	łiquido	4186
Pionp	solido	130
Giaẑ	solido (0 °C)	2260
Condiẑion stàndar se no indicà diversamente. Par i gas al valor dat al corisponde a el calor specifico a presion costante (${\displaystyle c_{p}}$)

• Całor
• Całor łatente
• Capasità termica
• Entalpìa
• Energia interna
• Equasion de Kirchhoff
• Łege de Dulong Petit
• Rełasion de Mayer

• Wikimedia Commons el detien imàjini o altri file so Całor spesifego