Chupito
El chupito el ze un goto de superalcòłego de dimension picenine bevesto de schina (o de s-ciopo o a scul). Inte ła variante Chupito rum e pero el xe suito conpagnà da un altro goto, de łe istese dimension, contegnente sugo de fruta (preferìbiłe de armełin o pero, parché pì densi).
Xe opinion comun ma erada inte l'Itàlia che par chupito se intenda "rum e pero", co invese el tèrmano el ìndica un "goto" de superalcòłego. Ła paroła, spagnoła, ła corisponde in sostansa a shot o bonbeta, sparin.
El fin de bévare el sugo de fruta el xe cueło de evitar el bruzor sołitamente provocà dal superalcòłego.
Chupito rum e pero
El tipo de chupito pì difondesto in Itàlia el ze queło de rum e pero. El ze un goto de rum bianco o rum dorà (mai rum invecià) seguio imediatamente da uno de sugo de fruta de peri.
Chupito soło rum
In sto chupito no el xe prexente el sugo de fruta. Se beve un goto de rum dorà (mai rum bianco, masa sponciante). Se el rum e pero el xe tanto difondesto in Itałia, inte i paexi latini cofà Spagna e tanti paexi caraìbeghi el xe pì difondesto el "rum soło". Xe difondesto el costumar de far gare de chupito de soło rum, andove ogni concorente el ga da finir prima de chełi altri un serto nùmaro de goti, limità sibenché no prestabiłio.
Chupito tres rones (tre rum)
In sto caxo i vien bevesti trè chupiti drio fiła. El primo contegnente un rum invecià, el secondo un rum dorà, el terso rum bianco. Ła sucesion dei trè tipi de rum ła fa un crésar de savori che i va dal pì pacà al pì sponciante, in magnera da poder ogni volta sentir l'efeto de l'àlcol.
Goti da chupito
- Shot clasego: picenin e pexante, el mejo goto da chupito. Inportante che el fondo no el sìpia piato, par far corae pì rapidamente el rum.
- Shooter: par chupiti smisiai a pì basa gradasion alcòłega. Pì gradio dal pùblego femenin parché servio smisià co suchi de fruta o pre mix. El ze pì capiente del presedente, e ła forma ła vària da ła tipołoxia de goto.
- Double shot: el ga ła capasità dópia, ma el ze racuanto poco doparà inte i locałi de ła penìzoła itàłega, anca parché el ze na dópia doze alcòłega del contegnuo de un chupito, che variando da łe definision e da l'unità de mexura doparà, el połe variar dai 5 cl ai 10 cl, pì de na doze normałe prevedesta da ła leje italiana, che ła prevede che ła sìpia de 40 g o sia sirca 4 cl.
Altri projeti
Wikimedia Commons el detien imàjini o altri file so Chupito
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
