Discussion projeto:Convension

Penso che sipie da rimodernare sto projeto co un stile pì simile par exenpio ai portali Projeto:siense e Projeto:lenguistega. Sinucep (msj) 13:15, 17 mar 2026 (CET)Rispondi

@FrancescoColomberotto, inte la gestion de le categorie me cato co varie grafie. Intel spesifego la parola voxe (riferia a na pàjina ensiclopedega de Wikipedia) al plurale la xe senpre voxe (na voxe, quatro voxe), trane so qualche categoria che xe scrito vozi. Mi so drio convertire tuto i plurali in voxe anca a la luce de:

• https://air.unimi.it/retrieve/dfa8b99a-d341-748b-e053-3a05fe0a3a96/2008_Corsiniano_RIL.pdf, capitolo 4.2 (ISTITUTO LOMBARDO - ACCADEMIA DI SCIENZE E LETTERE RENDICONTI CLASSE DI LETTERE E SCIENZE MORALI E STORICHE Vol. 142 (2008) ESTRATTO ROBERTO TAGLIANI LA LINGUA DEL TRISTANO CORSINIANO)

Ne le vecie discusion anca se doparava el plurale voxe:

• Discusion:Łéngua_vèneta#X_o_Z?

Sinucep (msj) 13:44, 17 mar 2026 (CET)Rispondi

Bondì, a la fin la é na cuestion de morfologia, certe varianti le fa in -e e altre in -i (vose <> vosi, luse <> lusi...). Giust uniformar tut, i riferimenti su Wikipedia i à da esser univoci FrancescoColomberotto (msj) 09:58, 18 mar 2026 (CET)Rispondi

@FrancescoColomberotto, @Fierodelveneto go xontà na sesion inte la pàjina de juto so le categorie:

• Juto:Categorie#Convension

Intanto go xontà Voxe e Pulitega che le xe le sielte che go fato fin deso par gestire le categorie.

Pulitega in efeti no la xe sta gnancora discutesta, podarisimo verxare na nova discusion so sto bar/filò. Sinucep (msj) 12:41, 19 mar 2026 (CET)Rispondi

Oro benon. Par mi se pol tacar discuter de "Pulitega" FrancescoColomberotto (msj) 13:46, 19 mar 2026 (CET)Rispondi

@Fierodelveneto, @FrancescoColomberotto, par la parola pulitega mi la go preferia a politega parché ghe xera pì ocorense de u che de o inte i nomi de le categorie.

Evitaria i asenti no nesesari inte i nomi de le categorie parché i ga da esare univosi. No ve digo quanto tenpo me xe servio par ricategorizare voxe par motivi de no-univocità. Poi evitaria anca le L tajade par slargare la base dei contributori. Semo in pochi a scrivere so vec.wiki, bisogna rendare pì agevole el laoro dei contributori, soratuto ai pì veci che i xe anca quei che se ricorda mejo el vèneto de na volta. Sinucep (msj) 15:34, 19 mar 2026 (CET)Rispondi

Par "pulitega" te à el me ok, ma co la sarà ora de parlar de cultismi e de grafia, mi disarò la mea parché ò criteri ben precisi par scriver i cultismi, criteri che no i ametarie na forma fà "pulitega". Intant, par far manco fadiga, l'é giust come che tu à fat ti, de modo che se apie na categoria ugnola "pulitega" e nò 50mia varianti. Su la Ł tu à el me suporto total parché l'é un grafema inutil par na serie de rason. Gracie pal to laoro. Me pias onde che la é drio ndar Wikipedia VEC! FrancescoColomberotto (msj) 17:41, 19 mar 2026 (CET)Rispondi

PS: anca par la diminucion del numero de acenti son in acordo total. FrancescoColomberotto (msj) 17:43, 19 mar 2026 (CET)Rispondi

@FrancescoColomberotto, cosa sujerisito al posto de pulitega? Sinucep (msj) 18:09, 19 mar 2026 (CET)Rispondi

Mi dopere "politica" parché la radis (greca) la é πόλις, (polit-) e -ica parché -ega no l'é pi produtivo. L'é vera che gnanca -ica l'é produtivo, ma a parità de assença de produtività cerche na coerença co l'etimo e, donca, se par la radis ò sielt la forma pi darente a l'original, par la desinença fae conpagno. Par de pi, la sonorisacion no la é pi un fenomeno presente intel veneto del di de ancó, come anca el sbassamento i > e; sielder -ego fà sufisso l'andarie a cozzare de pi co la fonetica de la lengua che nò -ico. Le vocai sorde intervocaliche (!) le resta conpagne.

L'istes ragionamento le lo fa anca altre lengue co sonorizacion de le oclusive (es. francese manche <> politique, spagnol manga <> política (< lat. MANICAM, POLITICAM). In ogni lengua neolatina i cultismi i vien senpre tegnesti ben petadi a la forma original de le parole, latina o greca che la sie :) FrancescoColomberotto (msj) 18:30, 19 mar 2026 (CET)Rispondi

No go capio proprio tuto, ma senbra un discorso che ga senso. Inoltre intel veneto del di de ancó de solito se sente dir politica, da le me parti almanco. Magari ghe do un ocio a la letaradura. Un aponto: secondo it:wiki la parola cultismo ga n'altro significà. Sinucep (msj) 18:55, 19 mar 2026 (CET)Rispondi

Dapartut i dis politica: l'é na parola tirada fora diretamente dal latin, no la se à mia evolvest inte la lengua popolar.

Su cultismo: tegnendo in conto la definicion

"una forma linguistica non per forza arcaica ma dotata di un prestigio che la distingue dal linguaggio corrente e la mette in risalto contrastivamente"

podon dir che "politica" l'é un cultismo: l'é na parola distinta da la lengua comun (linguaggio corrente) parché la à un uso de registro alt che el contrasta (risalto contrastivo) co le esigence pi "pragmatiche" de la lengua popolar. De fato, tute le lengue romance le à dovest inportar dal latin na parola fà politica.

Su Wikipedia ITA i porta l'esenpio de vizio: el deriva dal latin VITIUM, che par talian el se à evolvest de boca in boca diretamente dal latin (deventando vezzo), ma a na certa i é tornadi a cjorla diretamente dal latin (VITIUM > vizio). Donca tu à, in certi casi, na parola latina co do esiti, un "popolar" e un "colto". In furlan l'é sucessa na roba conpagna (οἰκονομία [pr. oikonomìa] > pop. culumie; colto economie). Tornando a politica, sta forma no la à un esito natural (che el dovarie esser *polìdega, che nissuni l'à mai dita (né su Google Books né sul Galepin se la cata)), donca ne toca cjaparla diretamente da la lengua de origine. FrancescoColomberotto (msj) 10:39, 20 mar 2026 (CET)Rispondi

@FrancescoColomberotto, go cercà e pare che se diga senpre politica. Anca i Pitura Freska:

"Critici, politici e scassa cassi vari..."

Alora porvarò a vedare, dovaria esarghe un modo par canbiare le categorie so pì pàjine. Poi meto politica.

Altra parola: tenoloxia (italian: tecnologia) Sinucep (msj) 14:12, 20 mar 2026 (CET)Rispondi

Par tecnoloxia andon su la falsariga de cuel che avon bel che dita par politica: la radis la vien da na lengua antiga sença adatamenti (sinò la sarie *teno-), donca anca la desinença la à da far conpagno. In particolar -λόγος (pr. lógos) el deventarie -λογία (pr. loghìa), che trasliterà (come che se fa in tute le lengue, es. tecnología, technologie, tecnologjie, Technologie...) el deventa -logia. Ghe vol mençonar che la palatalisacion GI > xi no la é pi ativa intel veneto moderno: elo chi che dis par esenpio *Vanxelo, *Xermania? Anca par ladin tu à "tecnologia". FrancescoColomberotto (msj) 16:04, 20 mar 2026 (CET)Rispondi

Torno un atimo a politica. El plurale saria politiche? Forse xe più naturale politeghe? Justo par fare un confronto: in lonbardo xe politeghe, secondo la wikipedia in lonbardo. Sinucep (msj) 14:40, 20 mar 2026 (CET)Rispondi

Sì, el plural sarie politiche par conservar la forma de la radis (morfologia). El lonbardo mi no el conte parché, che sòpie mi, no i à gnanca lori -ega produtivo. Pò, se i lo à efetivamente produtivo, l'é n'altro discorso, ma noi che nol lo von se ategnon a la forma latina FrancescoColomberotto (msj) 15:50, 20 mar 2026 (CET)Rispondi

Le xe sta fate tante discusioni so le convension, bisogna tegnere in conto anca de quele. Credo che sipia da considerare anca el corpus costituio da tute le voxe e le pàjne de juto scrite, sentimo altri pareri. Sinucep (msj) 23:43, 20 mar 2026 (CET)Rispondi