Doliwood

Doliwood, el cui nome ricorda Hollywood (fondendo i do nomi Doło e Hollywood), xe na asociasion de persone che par divertirse inte el 2010 gà tacà dopiare i film 'mericani uxando el diałeto del Brenta, e pì precixamente del Doło. Ła so forsa xe che el diałeto no'l xe mai masa streto, poco conprensibiłe, ma pì che altro queło "regionałe" che ajuta ben co xe ora de butar xo na batuta e de scrivare na sorta de copion.

L'idea de dopiàre alcuni tòchi de grandi film 'mericani xe de Giorgio Brugnone, un programator informàtego de Doło, basista e che un dì ghe piaxarìa scrivare un film suo. Nato come pur divertimento, ła cui ispirasion riva da ła quotidianità, deventa senpre più serio e i video mesi so Youtube otien senpre più suceso raxonxendo anca 500 000 visuałixasion. Tanti dopiatori che deso fa parte del progeto prima jera fans.

El so primo film dopià se ciama "Forrest Gump e le verze di Bubba" e otien 440 000 vixite so YouTube.

El sinboło "Doliwood" che apare so i video de You Tube o so' e majete disponibiłi come gadget xe un canpanìłe, el canpanìłe de Doło stòrto come xe considerà storigamente i abitanti de sta sitadina.

Alcuni dei film

Avatar : 1,2,3
Bubba & Gump Verze
Un Jack di Troppo : 1,2
Tutto il Veneto ze Paese
Via col Veneto
L'amore ze una garanzia
No ne resta che bevare
Spa Wars
Il Grigliatore
Goldrake
Up (El Censimento del Doło)
Titanic in cołaborasion co MiVago Production
Ritorno al Futuro co MiVago Production

Partesipasion iłustri

Alcune partesipasion de alcuni personaji famoxi ga fato 'ver oncora più suceso de vixite so You Tube.

Federica Pełegrini, gà partesipà a un dopiagio fasendo ła parodia sol spot de ła Enel che ła gà vista personalmente protagonista.

Natalino Balasso che partesìpa a un spot "fondi pa'l Veneto" (ispirà dal film Karatè Kid in seguito a l'Ałuvion che ghe xe stà inte el 2010. El xe protagonista anca de altri sinpàteghi dopiagi.