Extraparlamentare

L'agetivo extraparlamentare el połe esare doparà par dirghe a dei partii pułitisi sensa na raprexentansa in parlamento parché ghe manca i ełetori, o che no i voja łori partesipar a el sistema pułitego istitusionałe. (el no vołer riconosare el conceto de raprexentansa parlamentare inte i sistemi democratesi raprexentativi).^[1]

Organixasion de drita e sanca e estremamente difarenti intrà de łore łe njien acomunae da sta idea uguałe inte el no vołer partesipar al metodo parlamentare, considerà o vecio o no funsionante par risolvare i problemi de ła società.

Da algune organixasion de sanca el metodo parlamentare njien considerà on strumento de ła borghexia par dasar fora i prołetari da la scuminsiativa pułitega.

Inte el difarente modo, se se intendese dirghe a na formasion pułitega che no vołe el mainstream culturałe dominante in na società, ła siensa pułitega dopara anca ła difarente definision de partio anti-sistema: sta qua parò no xe posìbiłe metarghea sora a ła prima, sora de tuto co ste formasion o movimenti i sielie de concorare a łe elesion e i segue anca na raprexentansa parlamentare.

I grupi e movimenti extraparlamentari i preferise l'asion pulitega direta che la ponta a on coinvolximento de le mase e a la partisipasion sensa intermediari, faxendo evolvare on proceso de canbiamento pulitego fora da l'alveo de le istitusion. Tante olte le formasion che le se rifarise a sta area le ga na vocasion marcamente rivolusionaria.

Algune de ste formasion le ga alimentà el clima de scontro violento co le autorità e contro i propri nemisi puliteghi, tanto da rivar a teorixar e tal 'olta far la lota armada.

De solito i anarchisi i xe extraparlamentari, che i se organixa in movimenti faxendo a predica inte i so comisi su l'astensionismo inte le varie elesion, parche i ritien el parlamento na forma d'istitusion superada e no funsionante pa risolvare i problemi de la xente. Inte el pasà parò in serte ocaxion particolari i anarchisi i ga partesipà al goerno. Par exenpio in Spagna prima de la vitoria del Falangismo i anarchisi i se jera organixai in partio (Federación Anarquista Ibérica) e i ga partesipà co do ministri, anca a on Goerno de Stato.

1. ↑ Definision da wordreference.com Archivià il 5 de aprile 2017 in Internet Archive.