Forajo

Par forajo o erbàzego^[1] se intende ła union de matèrie che łe serve da ałimentasion par i animałi domèsteghi; inte el lenguajo comun, ai animałi domèsteghi erbìvori.

Tipołozie

De frecuente se dòpara cofà forajo ła intiera parte vezetativa de na pianta destinada, anca dopo racuante laorasion, al magnar del bestian. I fruti e samese łe va drento al forajo se łe vien catae insieme a ła parte vezetativa, sanò i vien tolti-sù inte on segondo momento, st'ùltemi i vien considarai dei consentrai. Łe spece vezetałi che łe vien doparae par ła produsion de forajo łe ze definie piante forajere, piante forajo, cultivi forajeri o cultivi erbàzeghi. Vien de frecuente definio bechime o manzime un magnar par animałi che in poco spàsio el sara drento na granda cuantità de prinsìpi nutritivi

Conservasion

I foraji i połe èsar dati da magnar ai animałi sia freschi che conservai. I sistemi de conservasion i ze prategamente do:

fienamento, secamento nadurałe, col cuało se otien on forajo fienà (el fien)
dizidratasion, secamento in bałe o granułà, col cuało se otien on forajo dizidratà
siłamento, sistema de conservasion par via ùmida, bazà so na fermentasion àsida, col cuało se otien on forajo siłà (l'siłato)