Francesco Brusoni
| Biografia | |
|---|---|
| Nasimènto | 1465 (Gregorian)  Legnago (Itàlia) |
| Morte | 1536 (Gregorian) (70/71 ani) Legnago (Itàlia) |
| Atività | |
| Ocupasion | |
|
| |
Francesco Brusoni (Legnago, tra el 1465 e el 1470 – Legnago, prima de el 1536) xe stà un poeta e umanista venesian che el scrivea in latin.
Biografia
Francesco Brusoni el xe sta un famoxo umanista e el xe stà ciamà a insegnar a Rovigo inte el 1507 indove che el xe doventà anca sitadin 'norario. Ma a Rovigo ghe jera na fasion contraria e i 'o ga casà vìa inte el 1511 o inte el 1512. El xe stà ciamà a insegnar anca a Este indove che el xe stà dó ani, el 1521 e el 1522.
Inte el 1525 e el jera stà xa fato poeta laureato e conte palatino a Venesia.
El xe morto a Legnago, indove che el jera visùo inte i ùltimi ani de 'a só vida; i 'o gà sepelìo inte 'a Ceza de Santa Marìa, de sota de el altar de San Biagio.
Laori
Squaxi tuti i só laori de Francesco Brusoni i xe 'ndà perdùi. El gà scrito i Capitoli in itajan inte el 1502 par el marchexe de Mantova. Po' el ga scrito senpre in latin:
- na poexia che 'a xe 'a prefasion a un laoro de el só amigo Geronimo Atestino: Libellus de gestiis Atestinorum (libreto sora 'e inprexe dei atexini) (1505)
- De origine urbis Rhodiginae totiusque Paeninsulae (come 'a xe nasesta ła sità de Rovigo e anca el Poéxine), un poèma (tra el 1507 e el 1511)
- Diphilus, na sàtira (1511)
- na poexìa inte el Almanach perpetuum d'Abramo Zacuto, dedicà a el só amigo Luca Gaurico (1525)
- Prognosticon mirabile, diis auspicibus, faventibus fatis, duce virtute et fortuna comite, un poèma de strołogìa
- Sylva in laudem prudentissimi S.P.Q. Bellunensis, un poèma
De tuti sti laori se conose soło che 'e dó poexie, fòra che uno dei poèmi.
De origine urbis Rhodiginae
El De origine urbis Rhodiginae el xe un poèma in latin scrito in exametri. Forse el jera un mo' par dirghe grasie a i sitadini de Rovigo par verghe dà ła sitadinansa; el ga scrito el primo libro, che el conta come 'a xe nasesta a sità; po' el xe stà casà vìa da Rovigo e el poèma el xe stà lasà lì. No el xe gnanca stà stanpà; Gian Pietro Ferretti el gavea catà el manoscrito de Brusoni e el gavea copià i só versi par scrìvar Carmen de Hadria civitate. Quando un te el 1589 un serto Sisto Sandolino da Ùdine el cata anca eo un manoscrito e 'o stanpa, in tanti i ga dito che el jera stà Brusoni a copiar da Ferretti, ma soło inte el XVIII secoło Girolamo Silvestri el ghe dà rajon a Brusoni.
Bibliografia
- (IT) Francesco Brusoni, De origine urbis Rhodiginae, a cura di Paolo Pezzolo, Ferara, Spazio Libri Editore, 1992 [1589].
- (IT) Francesco Brusoni, in Dizionario Biografico degli Italiani, Roma, Istituto dell'Enciclopedia Italiana Treccani, 2000.
el detien schemi gràfeghi so
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
